خیبرپختونخوا میں ڈینگی وائرس تیزی سے پھیلنے لگا، فعال کیسز کی تعداد 90 تک پہنچ گئی

پشاور میں ڈینگی کی صورتحال

پشاور (ڈیلی پاکستان آن لائن) خیبرپختونخوا میں ڈینگی صورتحال بگڑ رہی ہے۔ محکمہ صحت کا کہنا ہے کہ صوبے بھر میں ڈینگی کے فعال کیسوں کی تعداد 90 تک پہنچ گئی ہے۔

یہ بھی پڑھیں: میں نے شادی کر لی اور اپنے شوہر کے ساتھ تھی، بازیاب ہونے والی 9ویں جماعت کی طالبہ کا عدالت میں جواب

ڈینگی سے متاثرہ افراد کی تعداد

ڈینگی مچھر کے کاٹنے سے متاثرہ افراد کی تعداد 398 ہے جبکہ گزشتہ 24 گھنٹے کے دوران مزید 82 افراد میں ڈینگی وائرس کی تصدیق ہوئی ہے۔ ادارے کا کہنا ہے کہ ڈینگی سے متاثرہ 308 افراد اب تک صحت یاب ہوئے ہیں۔

یہ بھی پڑھیں: ایس آئی ایف سی کی ایگزیکٹو کمیٹی کا 14 واں اجلاس، سرمایہ کاری کے نئے امکانات پر گفتگو

ضلع چارسدہ کے کیسز

ڈینگی کے فعال کیسوں میں سے صرف ضلع چارسدہ سے 73 کیسز سامنے آئے ہیں۔ محکمہ صحت نے مزید بتایا کہ ایبٹ آباد میں دو اور ہری پور میں ایک کیس فعال ہے۔

دیگر اضلاع میں صورتحال

نوشہرہ اور مانسہرہ میں تین، لکی مروت میں دو، جبکہ مردان اور پشاور میں ایک ایک ڈینگی فعال کیس موجود ہیں۔ دوسری جانب صوابی میں ڈینگی کے تین اور ٹانک میں ایک فعال کیس رپورٹ ہوا ہے۔