اسلام آباد کی 2 بڑی یونیورسٹیوں میں 601 افراد کی غیرقانونی بھرتیوں کا انکشاف

اجلاس کی تفصیلات

اسلام آباد (ڈیلی پاکستان آن لائن) پارلیمنٹ کی پبلک اکاؤنٹس کی ذیلی کمیٹی کا اجلاس معین عامر پیرزادہ کی زیر صدارت ہوا۔ آڈٹ حکام نے کامسیٹس یونیورسٹی اور وفاقی اُردو یونیورسٹی اسلام آباد میں سیکڑوں غیر قانونی بھرتیوں کا انکشاف کیا، جس پر ذیلی کمیٹی نے دونوں جامعات میں غیرقانونی بھرتیوں کی تحقیقات کا حکم دے دیا ہے۔

یہ بھی پڑھیں: پاکستان اسٹیل ملز کی بحالی کی کوششیں تیز، روسی ٹیم نے اخراجات کا تخمینہ تیار کرلیا

کامسیٹس یونیورسٹی کی غیر قانونی بھرتیاں

ڈان نیوز کے مطابق آڈٹ رپورٹ میں بتایا گیا کہ کامسیٹس یونیورسٹی نے غیر قانونی طور پر 544 فیکلٹی ممبران کو تعینات کیا، ان بھرتیوں میں قوانین کو روندا گیا، ہائیر ایجوکیشن کمیشن نے بھی ان بھرتیوں کی منظوری دی۔

یہ بھی پڑھیں: ذمہ دار پنجاب کی جانب قدم، ہزاروں شہریوں نے بطور سول ڈیفنس رضاکار رجسٹریشن کروا لی

کمیٹی کے سوالات

کنوینر کمیٹی نے استفسار کیا کہ جب تک اشتہار نہیں آتا تو لوگوں کو نوکریوں کا کیسے پتہ چلے گا، اہل لوگ کس طرح ان نوکریوں کے لیے کاغذات جمع کریں گے؟

رکن کمیٹی خواجہ شیراز حسن نے کہاکہ کامسیٹس یونیورسٹی میں کئی سالوں سے اہم عہدے خالی ہیں، یونیورسٹی میں ایک سال سے کنٹرولر امتحانات کا عہدہ خالی ہے، خزانے کا عہدہ 12 سال سے غیرقانونی طور پر بیٹھا ہوا ہے، اور یونیورسٹی میں کئی سالوں سے ریکٹر کا عہدہ بھی خالی ہے۔

کمیٹی نے یونیورسٹی انتظامیہ کی جانب سے اہم عہدوں کی خالی صورتحال کی تصدیق پر سوال اٹھایا۔

یہ بھی پڑھیں: بچی کے ساتھ زیادتی؛ دو مرتبہ بری ہونے والے مجرم کو اپیل میں عمر قید کی سزا

سینیٹر سلیم مانڈوی والا کا سوال

سینیٹر سلیم مانڈوی والا نے استفسار کیا کہ اگر یونیورسٹیوں میں کچھ غلط ہورہا ہے تو ایچ ای سی کیا کررہی ہے؟ کمیٹی نے غیر قانونی بھرتیوں کی انکوائری کا حکم دیتے ہوئے رپورٹ جمع کرانے کی ہدایت کردی۔

یہ بھی پڑھیں: سابق بھارتی کرکٹر اظہر الدین تلنگانہ کے پہلے مسلم وزیر بن گئے

وفاقی اُردو یونیورسٹی میں غیر قانونی بھرتیاں

ذیلی کمیٹی کے اجلاس میں وفاقی اُردو یونیورسٹی اسلام آباد میں 57 ملازمین کی غیر قانونی بھرتی کا انکشاف ہوا ہے۔

آڈٹ حکام نے بتایا کہ یونیورسٹی میں 57 افراد کو کسی ضرورت کے بغیر بھرتی کیا گیا، 11 ملازمین کو کسی خالی پوسٹ کے بغیر بھرتی کیا گیا۔

یہ بھی پڑھیں: Panjgur mein 5 mazdooron ka qatal bad tareen buzdili hai, hoslay pust nahi honge: Maryam Nawaz

تعلیمی تحقیق کی نگرانی

آڈٹ حکام نے بتایا کہ ایچ ای سی نے گزشتہ 17 سالوں میں 308 تحقیقی منصوبوں کی منظوری دی تھی، جن کے لیے حکومتی فنڈز بھی جاری کیے گئے تھے۔ کمیٹی نے ان تحقیقی منصوبوں کے بروقت مکمل نہ ہونے پر برہمی کا اظہار کیا۔

رکن کمیٹی خواجہ شیراز نے سوال کیا کہ یہ کونسی ریسرچ ہے جو 17 سالوں میں مکمل نہیں ہوئی، کیا ایچ ای سی کے اندر کوئی طریقہ کار ہے؟

ایچ ای سی کا موقف

ایچ ای سی نے کہاکہ ریسرچ مکمل نہ کرنے والوں کو نئے پراجیکٹس نہیں دیے جارہے، اور کمیٹی نے معاملے پر ایک مہینے میں جواب طلب کرلیا۔