گارڈ پر تشدد کا معاملہ، وزیر ریلوے کا نوٹس
تشدد کے واقعے کا نوٹس
لاہور (ڈیلی پاکستان آن لائن) ریلوے گارڈ پر تشدد کا معاملہ, وزیر ریلوے حنیف عباسی نے نوٹس لے لیا۔
یہ بھی پڑھیں: کوہاٹ میں جنازے کے دوران فائرنگ سے خاتون سمیت 2افراد جاں بحق
تحقیقی رپورٹ کی تفصیلات
تفصیلات کے مطابق آئی جی ریلوے پولیس نے وفاقی وزیر کو انکوائری رپورٹ پیش کر دی۔ رپورٹ کی روشنی میں ریلوے پولیس بہاولپور کے کانسٹیبل ندیم کو فوری طور پر معطل کر دیا گیا۔ تشدد کرنے والے کانسٹیبل کے خلاف متاثرہ گارڈ کی مدعیت میں ایف آئی آر بھی درج کرا دی گئی۔
وزیر ریلوے کا بیان
وزیر ریلوے محمد حنیف عباسی نے کہا ہے کہ میں اپنے کسی ملازم کے خلاف دھونس اور دھمکی والا رویہ برداشت نہیں کروں گا۔ سرکاری امور میں رخنہ ڈالنے والوں کے خلاف سخت قانونی کارروائی کی جائے گی۔
