وزیر اعلیٰ مریم نواز نے سیلاب متاثرین کو عارضی قیام کے مناسب مقامات مہیا کرنے کا حکم دیدیا
سیلابی ریلے کے خطرات
لاہور (ڈیلی پاکستان آن لائن) وزیر اعلیٰ پنجاب مریم نواز نے سیلابی ریلے کی آمد کے پیش نظر آبادی کا بروقت انخلاء یقینی بنانے کا حکم دیا ہے۔ جانی نقصان سے بچاؤ کے لئے تمام تر میسر وسائل مہیا کرنے کی ہدایت کی ہے۔
یہ بھی پڑھیں: آئی ایم ایف سے ایک ارب ڈالرز فنڈنگ کی باضابطہ درخواست کی ہے، محمد اورنگزیب کا بیان
سیلاب متاثرہ افراد کی منتقلی
وزیراعلیٰ مریم نواز نے دریاؤں، ندی نالوں کے اردگرد آبادی کو محفوظ مقامات پر منتقل کرنے کی ہدایت کی اور دیہاتی علاقوں سے مال مویشیوں کی بروقت منتقلی کیلئے اقدامات کا حکم دیا ہے۔
یہ بھی پڑھیں: سائٹ صنعتی ایریا کے صنعتکاروں نے کراچی چیمبر کی ہڑتال کی حمایت کردی۔
مشاہدة اور بہتر انتظامات
وزیر اعلیٰ مریم نواز نے ستلج اور دیگر دریاؤں کی طغیانی کی صورتحال کی مانیٹرنگ کی ہدایت کی اور سیلابی ریلے سے متاثرہ افراد کے قیام و طعام اور علاج کے بہترین انتظامات کی ہدایت کی ہے۔
یہ بھی پڑھیں: جرمنی میں شہری نے خواتین کی جیل میں رہنے کے لیے اپنی جنس تبدیل کروا لی
عارضی قیام کی سہولیات
وزیر اعلیٰ نے سیلاب متاثرین کے عارضی قیام کے مناسب مقامات مہیا کرنے اور سیلاب متاثرہ علاقوں میں سانپ کاٹنے کی ویکسین مہیا کرنے کا بھی حکم دیا ہے۔
انتظامیہ کی ہدایت
وزیر اعلیٰ نے قصور، پاکپتن، تونسہ اور دیگر علاقوں میں انتظامیہ، ریسکیو اور دیگر تمام اداروں کو ہمہ وقت مستعد رہنے کا حکم دے دیا۔
