نیشنل سائبر کرائم انویسٹی گیشن ایجنسی کی اسلام آباد میں کارروائی، چائلڈ پورنو گرافی میں ملوث ملزم گرفتار
بچوں کی نازیبا تصاویر بنانے والے ملزم کی گرفتاری
اسلام آباد (ڈیلی پاکستان آن لائن) نیشنل سائبر کرائم انویسٹی گیشن ایجنسی نے ایک کارروائی کے دوران بچوں کی نازیبا تصاویر بنانے اور اسے شیئر کرنے والے ملزم عب السمیع کو کھنہ پل سے حراست میں لیاہے۔
یہ بھی پڑھیں: موسم سرما کی آمد: پنجاب بھر کی ماتحت عدالتوں کے اوقات کار تبدیل
ملزم کا طریقہ کار
ایکسپریس نیوز کے مطابق این سی سی آئی اے حکام کا کہنا ہے ملزم نابالغ بچوں کو بہلا پھسلا کر جنسی عمل میں ملوث کر کے تصاویر بناتا تھا۔ملزم کے خلاف 9 ٹپ لائن رپورٹس موصول ہونے کے بعد کارروائی کی گئی۔
گرفتاری کے بعد کی قانونی کارروائی
ملزم نے نازیبا تصاویر اپنے جی میل اکاؤنٹ سے منسلک گوگل ڈرائیو میں محفوظ کر رکھی تھیں۔ گرفتاری کے بعد ملزم کے خلاف ایف آئی آر نمبر 237/2025 درج کی گئی، مقدمہ سیکشن 22 پیکا ایکٹ 2016 کے تحت درج کر لیا گیا ہے۔
