سینئر صحافی عبدالستار خان کی کتاب ’’ڈارک ٹاور آف اکاؤ نٹبیلیٹی‘‘ کی تقریب رونمائی، مجیب الرحمان شامی اور سہیل وڑائچ سمیت اہم شخصیات کی شرکت

کتاب کی تقریب رونمائی

لاہور (ڈیلی پاکستان آن لائن) سینئر صحافی عبدالستار خان کی انگریزی کتاب ’’ڈارک ٹاور آف اکاؤ نٹبیلیٹی‘‘ کی تقریب رونمائی لاہور پریس کلب کے زیر اہتمام ہوئی جس میں صحافیوں کی ایک بڑی تعداد نے شرکت کی۔

یہ بھی پڑھیں: چیف جسٹس یحییٰ آفریدی کی بحریہ ٹائون کی جائیداد نیلامی کا کیس سننے سے معذرت

سینئر صحافیوں کااظہار خیال

اس موقع پر جن سینئر صحافیوں نے اظہار خیال کیا ان میں مجیب الرحمان شامی، سہیل وڑائچ، مبشر لقمان، حماد غزنوی، انجم رشید، سعدیہ صلاح الدین، راﺅ عامر، مصطفیٰ نذیر احمد اور لاہور پریس کلب کے صدر ارشد انصاری شامل تھے۔ مزید برآں، سینئر صحافی نجم سیٹھی اور پی پی پی سے وابستہ سیاسی کارکن اسلم گورداسپوری کے ریکارڈ شدہ پیغامات بھی حاضرین کو سنوائے گئے۔

یہ بھی پڑھیں: سندھ اسمبلی ارکان کی تنخواہ ساڑھے 4لاکھ روپے مقرر کرنے کی منظوری

کتاب کی تعریف

کتاب کے متعلق اظہار خیالات کرتے ہوئے مقررین نے ہمہ آواز نہ صرف عبدالستار خان کی اس کاوش کو سراہا بلکہ اسے تجربہ کار اور نوآموز، دونوں طرح کے، صحافیوں کے لیے مشعل راہ قرار دیا۔ اس موقع پر خطاب کرتے ہوے سہیل وڑائچ نے کہا کہ مصنف عبدالستار خان کی تازہ کتاب مستقبل میں مزید ایسی کاوشوں کے لیے راستہ ہموار کرے گی۔

یہ بھی پڑھیں: کاشتکاروں کے لیے 110 ارب روپے کا مجموعی پیکج، وزیراعلیٰ مریم نواز کی زیر صدارت گندم پالیسی کا اجلاس، اہم فیصلے اور منظوری

جرأت مند صحافت کی اہمیت

انہوں نے حالیہ واقعات کے تناظر میں جرأت مند صحافت کی اہمیت پر زور دیا اور کہا کہ سچا اور کھرا صحافی یا تو جیل کے اندر ہوتا ہے یا باہر ہوتا ہے اور اس کے لیے کوئی درمیانی راستہ نہیں ہوتا۔

یہ بھی پڑھیں: چائے پیش کرنے کا انداز پسند آنے پر اسکول پرنسپل نے اپنے چپراسی سے شادی کرلی

تحقیقی رپورٹنگ کا ہونا

صدر لاہور پریس کلب ارشد انصاری نے کہاکہ آج انویسٹی گیٹو رپورٹنگ معدوم ہوچکی ہے لیکن اس دور میں عبدالستار خان کی تحقیقاتی رپورٹنگ پر مبنی یہ کتاب ایک شاہکار ہے اور موجودہ حالات میں انھوں نے تحقیقاتی رپورٹ کتاب کی شکل میں مرتب کرکے بہترین اقدار کو پروان چڑھایا ہے۔

یہ بھی پڑھیں: عالمی رینکنگ میں پاکستانی عدلیہ کو اور نیچے دھکیل دیا گیا: لیاقت بلوچ

کتاب میں شامل معلومات

کتاب سے متعلق دلچسپ امر ہے کہ یہ کلی طور پر ایسی معلومات اور دستاویز پر مبنی ہے جو نیب کی سرکاری ویب سائٹ پر دستیاب ہیں اور بالعموم میڈیا اور اپوزیشن کی توجہ سے اوجھل رہتی ہیں۔ کل ملا کر کتاب نیب کے زیر تفتیش تقریباً 4100 کیسوں کے تجزیئے پر مشتمل ہے اور 20 ابواب پر محیط ہے جس میں ایک طرف تو مشہور سیاست دانوں اور ان کے خاندان پر نیب کی طرف سے بنائے جانے والے کیسز کا احوال شامل ہے اور دوسری طرف پلی بارگین سے متعلق کیسز کے حوالے سے ہوشربا انکشافات شامل ہیں۔

یہ بھی پڑھیں: پسند کی شادی پر باجوڑ سے علاقہ بدر کیے گئے میاں بیوی کو کراچی میں قتل کردیا گیا

کتاب کی پذیرائی

تقریب آپ خطاب کرنے والے مقررین نے کتاب میں شامل معلومات کو اس بنیاد پر بھی قابل تحسین قرار دیا کہ اس میں شامل تمام معلومات مکمل طور پر غیر جانبدار ہیں۔

تقدیر اور اختتام

تقریب کے اختتام میں لاہور پریس کلب کے صدر ارشد انصاری نے کتاب کے مصنف عبدالستار خان کو نہ صرف لاہور پریس کلب کے ارکان بلکہ پاکستان کے تمام صحافتی کارکنوں کی جانب سے خراج تحسین پیش کیا اور تقریب کے حاضرین کا شکریہ ادا کیا۔