لاہور: دکان پر کھڑی 12 سالہ بچی کے ساتھ نازیبا حرکت کرنے والا ملزم گرفتار

بچی کے ساتھ ہراساں کرنے والے ملزم کی گرفتاری

لاہور(ڈیلی پاکستان آن لائن) مصری شاہ میں دکان پر کھڑی 12 سالہ بچی کے ساتھ نازیبا حرکت اور ہراساں کرنے والے ملزم کو پولیس نے گرفتار کرلیا۔

یہ بھی پڑھیں: خضدار میں دھماکا، بس میں سوار 4 بچے جاں بحق

پولیس کی فوری کارروائی

نجی ٹی وی چینل ایکسپریس نیوز کے مطابق مصری شاہ پولیس نے 15 کال پر فوری رسپانس کرتے ہوئے ملزم کو گرفتار کرکے بچی کے والد کی مدعیت میں مقدمہ درج کرلیا۔

یہ بھی پڑھیں: وزیر مملکت آئی ٹی شزا فاطمہ کا پاکستان میں انٹرنیٹ کی سپیڈ کم ہونے کا اعتراف

CCTV فوٹیج کی مدد سے شناخت

سی سی ٹی وی فوٹیج میں ملزم کو بچی کے ساتھ نازیبا حرکات کرتے دیکھا جا سکتا ہے جو یہاں اپنے والد کی دوا خریدنے کے لیے آئی تھی، ملزم نے بچی کے ساتھ ہاتھ ملانے کے بہانے چھیڑ چھاڑ کی اور فرار ہو گیا۔

یہ بھی پڑھیں: انسداد عصمت دری ایکٹ 2021 سے دفعہ 354 ہٹا دی گئی

تحقیقات اور کارروائی

ایس پی سٹی بلال احمد کا کہنا ہے کہ پولیس نے ملزم شہباز کیخلاف تحقیقات کا آغاز کردیا ہے، انہوں نے اوباش ملزم کی بروقت گرفتاری پر ایس ایچ او مصری شاہ علی زیب دستگیر اور ٹیم کو شاباش دی۔

بچیوں کی حفاظت کا عزم

ایس پی سٹی نے کہا کہ بچیوں کو تنگ اور ہراساں کرنا ریڈ لائن ہے، ایسے عناصر کسی رعایت کے مستحق نہیں۔