عمرے کی آڑ میں سعودی عرب میں گداگری کرنے والا اشتہاری ملزم کراچی سے گرفتار

کراچی میں انسانی اسمگلنگ کی کارروائی

انسدادِ انسانی اسمگلنگ سرکل نے شہر قائد سے چھاپہ مار کارروائی میں عمرے کی آڑ میں گداگری میں ملوث اشتہاری ملزم کو گرفتار کرلیا۔ ملزم کا تعلق ملتان سے ہے۔

یہ بھی پڑھیں: ہمارے 2 ایس 400 تباہ ہوئے، 2 مزید روس سے خرید رہے ہیں: بھارتی نائب آرمی چیف کا اعتراف

ملزم کی پچھلی تاریخ

ترجمان ایف آئی اے کے مطابق ملزم کے خلاف سال 2024 میں مقدمہ درج ہوا تھا۔ ملزم کو اس سے قبل بھی بیرون ملک گداگری کے جرم میں سزا ہو چکی ہے۔ ملزم کو گرفتار کر کے تفتیش کا آغاز کردیا گیا ہے۔

یہ بھی پڑھیں: بھارت سے جب مذاکرات ہوں گے تو کشمیر، پانی، تجارت اور دہشتگردی پر بات ہوگی: وزیراعظم

گداگری کے خلاف اقدامات

رواں سال اب تک اینٹی ہیومن ٹریفکنگ سرکل کراچی نے گداگری میں ملوث عناصر کے خلاف 144 مقدمات درج کئے ہیں، جبکہ 410 ملزمان کو گرفتار کیا گیا جن میں خواتین بھی شامل ہیں۔ ملزمان کے پاسپورٹ بلیک لسٹ کردیے گئے ہیں۔

ایف آئی اے کا موقف

ترجمان ایف آئی اے کا کہنا ہے کہ بیرون ملک گداگری میں ملوث عناصر کے خلاف کریک ڈاؤن جاری ہے۔ ملزمان کی گرفتاری کے لئے تمام تر وسائل کو بروئے کار لایا جا رہا ہے۔