کیا سنجے دت اور بیٹی کے درمیان تعلقات خراب ہیں؟ ترشیلا دت کی مبہم پوسٹ وائرل
تاریخی انسٹاگرام پوسٹ
ممبئی (ڈیلی پاکستان آن لائن) بھارتی فلم انڈسٹری کے نامور اداکار سنجے دت کی بیٹی تریشلا دت نے حال ہی میں انسٹاگرام پر ایک مبہم پوسٹ شیئر کی ہے جس نے سوشل میڈیا پر ہلچل مچا دی ہے۔
یہ بھی پڑھیں: بھارت نے ڈیلی پاکستان کا یوٹیوب چینل بلاک کردیا
خاندانی تعلقات اور ذاتی حدود
بھارتی میڈیا کے مطابق پوسٹ میں تریشلا دت نے خاندانی تعلقات، ذہنی صحت اور والدین کے خراب رویوں کے بارے میں بات کرتے ہوئے کہا کہ ہر وہ شخص جو آپ سے خونی رشتہ رکھتا ہے ضروری نہیں کہ آپ کی زندگی کا حق رکھتا ہو، آپ کو اپنے ذہنی سکون کی خاطر اُن سے کم رابطہ رکھنے یا کسی بھی طرح سے رابطہ منقطع کرنے کا پورا حق ہے۔
یہ بھی پڑھیں: بہترین پلیئنگ الیون تشکیل دینے کیلئے اچھے کھلاڑی تلاش کر رہے ہیں، محمد رضوان کی پریس کانفرنس
ذہنی صحت کا تحفظ
تریشلا نے پوسٹ میں واضح کیا کہ خاندانی نام کسی کو بھی آپ کو بار بار ذہنی اذیت دینے کی اجازت نہیں دیتا، چاہے وہ آپ کے والدین ہی کیوں نہ ہوں۔ بچوں کو بھی اپنے والدین سے خود کو دور کرنے کا حق ہے جو انہیں غنڈہ گردی کے ذریعے کنٹرول کرنے کی کوشش کرتے ہیں۔
یہ بھی پڑھیں: فون کی تلاش میں خاتون گہرے شگاف میں جا گریں، سات گھنٹے تک پھنسی رہیں۔
صارفین کے تبصرے
تریشلا کی اس پوسٹ پر تبصرہ کرتے ہوئے صارفین نے کہا کہ باپ اور بیٹی کے درمیان تعلقات خراب چل رہے ہیں اس لیے انہوں نے اس طرح کی پوسٹ کی ہے۔
یہ بھی پڑھیں: بسنت کے موقع پر پتنگوں پر مذہبی مقامات اور کسی شخصیت کی تصویر لگانے پر پابندی عائد
ذاتی پس منظر
خیال رہے کہ تریشلا سنجے دت اور ان کی پہلی بیوی رچا شرما کی بیٹی ہیں۔ وہ 1996 میں کینسر کی وجہ سے انتقال کر گئیں۔
پیشہ ورانہ زندگی
تریشلا اپنے نانا نانی کے ساتھ امریکہ میں پلی بڑھی اور پیشے سے ماہر نفسیات ہیں۔ سنجے دت کے اپنی موجودہ بیوی مانایاتا دت سے دو بچے (ایک بیٹا اور ایک بیٹی) ہیں، جن کے ساتھ وہ ممبئی میں رہتے ہیں.
