گلگت بلتستان سیلاب سے تباہی کے باعث غذر میں 63 اسکول بند، خیمہ بستی قائم

گلگت (ڈیلی پاکستان آن لائن) ضلع غذر میں سیلاب کی تباہ کاریوں کے باعث 63 اسکولوں کو 25 اگست تک بند رکھا گیا تھا، جس میں اب توسیع کئے جانے کا امکان ہے۔

یہ بھی پڑھیں: بلوچستان فنانس ایکٹ 2020 کے تحت ایکسائز ڈیوٹی میں اضافہ آئینی قرار

حکومتی بیان

حکومت گلگت بلتستان کے ترجمان فیض اللہ فراق نے بتایا کہ غذر میں 63 اسکولوں کی بندش کی تاریخ میں توسیع کا امکان ہے۔

یہ بھی پڑھیں: کراچی میں طوطا پکڑنے کا چکمہ دے کر نوجوان فلیٹ سے موبائل لے اڑا

متاثرین کی امداد

مکانات کی بڑے پیمانے پر تباہی کے باعث غذر تالی داس میں خیمہ بستی قائم ہو چکی ہے اور ڈیزاسٹر مینجمنٹ غذر کی جانب سے تالی داس کے لیے 150 سے زائد خیمے فراہم کئے جاچکے ہیں۔متاثرین کے لیے 300 سے زائد فوڈ پیکٹس فراہم کیے گئے ہیں، 150 سے زائد کیچن سیٹ، متاثرین میں 150 سے زائد ہائی جین کیٹس فراہم کیے جا چکے ہیں۔

امداد کی مزید تفصیلات

فیض اللہ فراق کا کہنا تھا کہ 150 سے زائد ترپال اور شیڈس، 150 سے زائد پلاسٹک میٹس، 150 سے زائد واٹر کولرز اور دو ہزار سے زائد منرل واٹر کی بوتلیں فراہم کی جاچکی ہیں۔تالی داس کے مقام پر بننے والی مصنوعی جھیل کی روزانہ کی بنیاد پر نگرانی ہو رہی ہے۔صوبائی حکومت کی طرف سے متاثرہ علاقے میں میڈیکل کی ٹیمیں اور ایمبولینسس موجود ہیں۔