کرتارپور کے قریب دریائے راوی کا حفاظتی بند ٹوٹنے سے پانی گردوارے میں داخل

دریائے راوی میں حفاظتی بند ٹوٹنے کا واقعہ

نارووال(ڈیلی پاکستان آن لائن) کرتارپور کے قریب دریائے راوی کا حفاظتی بند ٹوٹنے سے پانی گردوارے میں داخل ہوگیا، پانی کے تیز بہاؤ کے باعث نارووال شکرگڑھ روڈ ٹریفک کے لیے بند کر دیا گیا۔

یہ بھی پڑھیں: مریم نواز شریف چیف منسٹر بعد میں ہیں پہلے میری بیٹی ہیں، خواجہ آصف

بھارتی آبی جارحیت کے اثرات

نجی ٹی وی سما نیوز کے مطابق بھارتی آبی جارحیت سے شکرگڑھ میں کوٹ نیناں کے مقام پر دریائے راوی میں دو لاکھ 50 ہزار کیوسک سے زائد ریلہ گزر رہا ہے، جس سے بھیکو چک کے قریب حفاظتی بند میں شگاف پڑگیا۔ بھیکو چک، نوشہرہ، نوگزہ کرتار پور مین شاہراہ منڈی خیل، بھجنہ زیر آب آگئی، جس سے نارووال شکرگڑھ روڈ ٹریفک کے لیے بند کر دیا گیا۔

یہ بھی پڑھیں: انڈین آرمی چیف آدھا پنجاب جنگِ ستمبر میں پاکستان کے حوالے کرنے کو تیار ہو چکا تھا جس میں سکھوں کا مقدس ترین گولڈن ٹیمپل اور امرتسر شہر بھی شامل تھا۔

بارشوں کے اثرات

بارشوں کے باعث دریائے چناب میں مرالہ کے مقام پر انتہائی اونچے درجے کا سیلاب ہے۔ دریائے چناب مرالہ کے مقام پر پانی کی آمد 7 لاکھ 69 ہزار ہے، اخراج 7 لاکھ 62 ہزار کیوسک ہے۔ خانکی کے مقام پر پانی کا بہاو 7 لاکھ 5 ہزار کیوسک ہے، دریائے راوی میں جسڑ میں انتہائی اونچے درجے کا سیلاب ہے، شاہدرہ کے مقام پر پانی کا بہاؤ 72 ہزار کیوسک ہے۔

پانی کے بہاؤ کی تفصیلات

بلوکی ہیڈورکس پر پانی کی آمد 79 ہزار، اخراج 67 ہزار کیوسک ہے۔ گنڈا سنگھ والا کے مقام پر پانی کا بہاؤ 2 لاکھ 45 ہزار کیوسک ہے، سلیمانکی کے مقام پر پانی کا بہاؤ 1 لاکھ کیوسک ہے۔