پاک فوج کے دستے سیالکوٹ اور وزیر آباد میں موجود، ریسکیو اینڈ ریلیف آپریشن میں تیزی

سیالکوٹ اور وزیرآباد میں سیلابی صورتحال

سیالکوٹ (ڈیلی پاکستان آن لائن) - وزیرآباد اور سیالکوٹ میں سیلابی صورتحال کے پیش نظر پاک فوج کا ریسکیو اینڈ ریلیف آپریشن جاری ہے۔ سیلاب متاثرین کی امداد کے لیے پاک فوج کے دستے سیالکوٹ اور وزیرآباد میں موجود ہیں۔ پاک فوج کے جوانوں نے سیلاب میں پھنسے افراد کو ریسکیو کرکے محفوظ مقامات پر منتقل کرنا شروع کردیا ہے۔

یہ بھی پڑھیں: سیکیورٹی فورسز کے خیبر پختونخوا اور بلوچستان میں انٹیلی جنس بیسڈ آپریشنز، 9دسمبر سے اب تک 43 دہشتگرد جہنم واصل

ریسکیو اینڈ ریلیف آپریشن

سیکیورٹی ذرائع کی معلومات

سیکیورٹی ذرائع نے بتایا ہے کہ پاک فوج کے جوان متاثرین سیلاب کو ریسکیو کرنے کے ساتھ ساتھ امدادی اشیاء بھی پہنچا رہے ہیں۔ ضلعی انتظامیہ نے ہیڈ قادر آباد کو بچانے کے لیے منڈی بہاؤ الدین کی طرف سے بند کو توڑ دیا ہے۔ قادر آباد کے سیلاب متاثرین کی نقل مکانی اور محفوظ مقامات پر منتقلی میں بھی پاک فوج کے جوان پیش پیش ہیں۔ متاثرین سیلاب کی جانب سے پاک فوج کے ریسکیو اینڈ ریلیف آپریشن کو سراہا جا رہا ہے۔