وزیراعلیٰ مریم نواز کی زیر صدارت سیلابی صورتحال پر 4گھنٹے طویل اجلاس، متاثرہ اضلاع میں ریلیف اور ریسکیو رپورٹ پیش
اجلاس کا آغاز
لاہور (ڈیلی پاکستان آن لائن) وزیر اعلیٰ مریم نواز کی زیرِ صدارت سیلابی صورتحال پر 4 گھنٹے طویل اجلاس ہوا جس میں پنجاب کے تمام تر سیلاب متاثرہ علاقوں کی صورتحال کا جائزہ لیا گیا۔
یہ بھی پڑھیں: ہانیہ عامر کی ہم شکل پاکستانی لڑکی کے چرچے
ریلیف اور ریسکیو رپورٹ
اجلاس میں تمام تر متاثرہ اضلاع میں ریلیف اور ریسکیو رپورٹ پیش کی گئی۔ متاثرہ علاقوں میں ریسکیو و ریلیف سرگرمیوں کا جائزہ لیا گیا۔
یہ بھی پڑھیں: کرائے کے مکان میں جعلی سفارتخانہ چلانے والا ملزم گرفتار
وزیر اعلیٰ کی ہدایات
وزیر اعلیٰ مریم نواز نے سیلاب متاثرین کیلئے تمام تر میسر وسائل بروئے کار لانے کی ہدایت کی۔ لاہور، قصور، سیالکوٹ، نارووال، فیصل آباد، اوکاڑہ اور سرگودھا سمیت 7 اضلاع میں فوج کی خدمات طلب کر لی گئی۔
یہ بھی پڑھیں: پاک بھارت کشیدہ صورتحال، پی ایس ایل کے باقی تمام میچز ملتوی ، پی سی بی کا اعلان
سیلابی صورتحال کی مانیٹرنگ
اجلاس کو بریفنگ میں بتایا گیا کہ حکومت پنجاب کے تمام متعلقہ ادارے سیلابی صورتحال کو 24/7 مانیٹر کر رہے ہیں۔ ضلعی انتظامیہ، پی ڈی ایم اے، ریسکیو 1122، سول ڈیفنس اور پولیس فرنٹ لائن پر ریسکیو و ریلیف آپریشن میں مصروف عمل ہیں۔
یہ بھی پڑھیں: بلاول بھٹو زرداری کی کراچی اور ملیر بار کے نومنتخب عہدیداروں کو مبارکباد
متاثرہ اضلاع کی تفصیلات
دریائے ستلج میں طغیانی سے قصور، اوکاڑہ، پاکپتن، وہاڑی، بہاولنگر اور بہاولپور کے اضلاع متاثر قرار دیئے گئے۔ دریائے ستلج میں اونچے درجے کے سیلاب سے ضلع قصور کے 72 گاؤں اور 45 ہزار افراد متاثر ہوئے۔
یہ بھی پڑھیں: مخصوص نشستوں کے فیصلے پر چیئرمین تحریک انصاف بیرسٹر گوہر کا مؤقف آ گیا
فوری امدادی کارروائیاں
بریفنگ میں مزید بتایا گیا کہ پاکپتن 12، وہاڑی 23، بہاولنگر 75 اور بہاولپور میں سیلاب سے 15 گاؤں متاثر ہوئے ہیں۔ متاثرہ اضلاع میں 130 بوٹس، 115 او بی ایم، 6 اے ایم بی بائیکس، 1300 لائف جیکٹس، 245 لائف رنگز پہنچادی گئیں۔
یہ بھی پڑھیں: آپریشن سندور: بھارت کی مانگ میں راکھ بھر گیا، مودی تنہا ہو چکے، تقریر نوحہ تھی، سینٹر عرفان صدیقی
متاثرین کی مدد
ڈیڑھ لاکھ سے زائد افراد اور 35 ہزار مویشی محفوظ مقامات پر منتقل، ریلیف کیمپس، میڈیکل اور ویٹرنری کیمپس قائم کر دیئے گئے ہیں۔ میڈیکل ریلیف کیمپس میں 2600 سے زائد سیلاب متاثرین کا علاج معالجہ کیا جا رہا ہے۔
یہ بھی پڑھیں: صدر مملکت نے رائل سعودی نیول فورسز کے سربراہ کو نشانِ امتیاز (ملٹری) سے نوازا
ہنگامی اقدامات کی ہدایت
وزیر اعلیٰ مریم نواز نے تمام اضلاع میں سیلاب کی صورتحال کے پیش نظر ہسپتالوں میں ہنگامی اقدامات کی ہدایت کی ہے۔
اجلاس میں شرکت
اجلاس میں سینئر منسٹر مریم اورنگزیب، چیف سیکرٹری اور دیگر اعلیٰ حکام نے شرکت کی۔
