خواتین سے دوستی کا تنازع ، کوہاٹ میں 7 دوستوں کو قتل کرنے والے 3 سفاک قاتل گرفتار
سفاک قاتل قانون کے شکنجے میں
کوہاٹ (ڈیلی پاکستان آن لائن) علاقہ ریگی شینوخیل میں 7 دوستوں کو قتل کرنے والے سفاک قاتل قانون کے شکنجے میں آگئے۔ سٹی پولیس نے قتل میں ملوث 3 ملزمان کو گرفتار کر لیا۔ ملزمان مقتولین کے جنازوں میں بھی شریک ہوئے تھے۔
یہ بھی پڑھیں: پہلگام واقعہ، سوئٹزرلینڈ نے بڑی پیشکش کردی
کیسے ہوا لرزہ خیز قتل؟
سما ٹی وی کے مطابق، پولیس کا کہنا ہے کہ علاقہ ریگی شینوخیل میں 17 اگست کو رات کے وقت ایک ہی خاندان کے 7 لڑکوں کا لرزہ خیز قتل ہوا تھا۔ ایک ہی فیملی کے 9 افراد تانڈہ ڈیم سے سیر کے بعد رات گئے واپس آ رہے تھے جب راستے میں انہیں فائرنگ کا نشانہ بنایا گیا، جن میں سے 7 جاں بحق، ایک زخمی اور ایک معجزانہ طور پر بچ گیا تھا۔
قتل کی وجوہات
ملزمان نے خواتین سے دوستی کے تنازع پر 7 دوستوں کو قتل کیا۔ رپورٹ میں یہ بھی بتایا گیا ہے کہ ملزمان مقتولین کے محلے دار تھے اور انہوں نے ساتوں افراد کی نماز جنازہ میں بھی شرکت کی۔
