وزیر اعظم شہباز شریف سے بیلاروس کے وزیرداخلہ کی وفد کے ہمراہ ملاقات، دوطرفہ تعلقات پر تبادلۂ خیال
ملاقات کی تفصیلات
اسلام آباد (ڈیلی پاکستان آن لائن) وزیرِ اعظم محمد شہباز شریف سے بیلا روس کے وزیر داخلہ ایون کبراکوو (Ivan Kubrakov) کی وفد کے ہمراہ ملاقات ہوئی۔ وزیراعظم نے بیلاروس کے وزیر داخلہ کو پاکستان آمد پر خوش آمدید کہا۔
یہ بھی پڑھیں: اس دفعہ ہم کفن باندھ کر فیصلہ کن جنگ کے لیے نکلیں گے: علی امین گنڈا پور
وزیراعظم کا دورۂ بیلاروس
وزیراعظم نے اپنے دورۂ بیلاروس کا ذکر کرتے ہوئے بیلاروس کے صدر الیگزینڈر لوکاشینکو کے لئے اپنی نیک خواہشات کا اظہار کیا۔
یہ بھی پڑھیں: موسیٰ مانیکا کی اپنے ملازم پر فائرنگ،ملزم اتنا غصے میں تھا کہ والدخاورمانیکا بھی خوفزدہ ہوگئے : زاہد گشکوری
دوستانہ تعلقات کی اہمیت
’’دنیا نیوز‘‘ کے مطابق بیلاروس کے وزیر داخلہ سے گفتگو کرتے ہوئے وزیراعظم شہباز شریف نے کہا کہ پاکستان اور بیلا روس کے درمیان دوستانہ تعلقات ہیں جو کہ وقت کے ساتھ مزید مضبوط ہو رہے ہیں۔ ہم بیلا روس کے صدر کے پاکستان کے دورے کے منتظر ہیں۔
یہ بھی پڑھیں: وزیراعظم کی 26ویں آئینی ترمیم کی منظوری پر قوم کو مبارکباد
وزیر داخلہ کا شکریہ
بیلا روس کے وزیر داخلہ نے پاکستان میں پرتپاک استقبال اور میزبانی پر وزیراعظم کا شکریہ ادا کیا۔ انہوں نے وزیراعظم کو بیلاروس کے صدر کا نیک خواہشات کا پیغام پہنچایا اور کہا کہ ہم پاکستان کے ساتھ زراعت اور صنعت سمیت مختلف شعبوں میں تعاون بڑھانے اور مل کر کام کرنے کے خواہاں ہیں۔
یہ بھی پڑھیں: چین کا تعاون جلد پاکستان کی معیشت کو مضبوط کرے گا، شہباز شریف
مفاہمتی یادداشت کی اہمیت
وزیر داخلہ نے اپنے دورے کے دوران وفاقی وزیر داخلہ محسن نقوی اور وفاقی وزیر سمندر پار پاکستانی و انسانی وسائل چوہدری سالک حسین سے ہوئی اپنی ملاقاتوں کا ذکر کرتے ہوئے کہا کہ یہ ملاقاتیں دونوں ممالک کے تعلقات کو آگے بڑھانے کے حوالے سے انتہائی مفید رہی ہیں۔
یہ بھی پڑھیں: گول گپوں میں زہر ملا کر اپنی محبوبہ کو قتل کرنے کی کوشش کرنے والا ملزم گرفتار
NADRA کا دورہ
وفاقی وزیر داخلہ محسن نقوی نے وزیراعظم کو آگاہ کیا کہ بیلاروس کے وزیر داخلہ نے وفد کے ہمراہ نیشنل ڈیٹا بیس رجسٹریشن اتھارٹی کا دورہ بھی کیا۔
یہ بھی پڑھیں: بیجنگ، عظیم جنگی کامیابی کی 80 ویں سالگرہ، شاندار فوجی پریڈ، چینی صدر نے دنیا کو امن کا پیغام دیدیا
ہنر مند پاکستانیوں کا مستقبل
وفاقی وزیر سمندر پار پاکستانی و ترقی انسانی وسائل چودھری سالک نے بتایا کہ ہنر مند پاکستانیوں کو بیلاروس بھجوانے کے حوالے سے دونوں ممالک کے درمیان آج مفاہمتی یادداشت پر دستخط ہوئے ہیں، جس کے بعد ہنر مند پاکستانیوں کو بیلا روس بھجوانے کا عمل باقاعدہ شروع ہو جائے گا۔ بیلا روس پاکستانی ہنر مند افراد کو میڈیکل سمیت سماجی تحفظ کی دیگر سہولیات بھی فراہم کرے گا۔
اجلاس میں موجود شخصیات
ملاقات میں وفاقی وزیر داخلہ محسن نقوی، وفاقی وزیر سمندر پار پاکستانی و ترقی انسانی وسائل چودھری سالک حسین، وزیر مملکت برائے داخلہ طلال چودھری، وزیر مملکت برائے سمندر پار پاکستانی و ترقی انسانی وسائل محمد عون چودھری اور متعلقہ اعلیٰ سرکاری افسران بھی موجود تھے۔
