ائیر چیف مارشل ظہیر احمد بابر سدھو سے ایتھوپیا کی فضائیہ کے کمانڈر لیفٹیننٹ جنرل یلما مرداسا کی ملاقات

ملاقات کی تفصیلات

راولپنڈی (ڈیلی پاکستان آن لائن) ایتھوپیا کی فضائیہ کے کمانڈر لیفٹیننٹ جنرل یلما مرداسا نے ایئر ہیڈ کوارٹرز اسلام آباد میں پاک فضائیہ کے سربراہ ائیر چیف مارشل ظہیر احمد بابر سدھو سے ملاقات کی۔ ملاقات کے دوران دونوں معززین نے پیشہ وارانہ دلچسپی کے شعبوں پر تفصیلی بات چیت کی اور دونوں ممالک کی فضائی افواج کے درمیان تعاون کو مضبوط بنانے کے عزم کا اعادہ کیا۔

یہ بھی پڑھیں: آسٹریلوی لڑکی نے لوگوں کی آن لائن عجیب فرمائشیں پوری کرکے خود کو ملینئر بنا لیا

گارڈ آف آنر

آئی ایس پی آر کے مطابق پاک فضائیہ کے چاق و چوبند دستے نے لیفٹیننٹ جنرل یلما مرداسا کو گارڈ آف آنر پیش کیا۔

یہ بھی پڑھیں: پی ٹی آئی کی جانب سے جنرل عاصم منیر کو فیلڈ مارشل کا عہدہ ملنے پر مبارکباد

فوجی شراکت داری کے عزم کا اعادہ

ملاقات کے دوران پاک فضائیہ کے سربراہ نے مشترکہ تربیتی اقدامات کے ذریعے دونوں فضائی افواج کے درمیان فوجی شراکت داری کو بڑھانے کے عزم کا اعادہ کیا۔ انہوں نے معزز مہمان کو ایتھوپیا کی فضائیہ کے پیشہ وارانہ مقاصد میں پی اے ایف کی مستقل حمایت کا یقین دلایا، اور کہا کہ پاکستان ایتھوپیا کے ساتھ اپنے خوشگوار تعلقات کو دل کی گہرائیوں سے پسند کرتا ہے، جدید تربیت اور آپریشنل ڈومینز میں جامع مدد فراہم کرنے کے لیے پرعزم ہے۔

یہ بھی پڑھیں: ڈی جی خان میں خاتون سے تعلق کے الزام میں پانی میں ڈبونے کا معاملہ، نوجوان نے کیا موقف اپنایا؟ حیران کن انکشاف

ایتھوپیا کی فضائیہ کا شکریہ

ایتھوپیا کی فضائیہ کے کمانڈر لیفٹیننٹ جنرل یلما مرداسا نے ان کی اور ان کے وفد کی گرمجوشی سے مہمان نوازی کے لیے تہہ دل سے شکریہ ادا کیا۔ ایتھوپیا کی فضائیہ کے کمانڈر نے پی اے ایف کی مضبوط آپریشنل تیاری، صلاحیتوں اور قابل اعتماد ڈیٹرنس پوزیشن کو سراہا۔ انہوں نے اس بات پر زور دیا کہ ایتھوپیا کی فضائیہ اپنی آپریشنل صلاحیتوں کو مضبوط بنانے کے لیے پی اے ایف کے بھرپور جنگی تجربے، مربوط کمانڈ سسٹمز اور تکنیکی اختراعات سے سبق حاصل کرنے کی منتظر ہے۔

یہ بھی پڑھیں: سیکیورٹی فورسز کا کوہلو میں آپریشن، فتنہ الہندوستان کے 5 دہشتگرد ہلاک، اسلحہ، گولہ بارود اور دھماکہ خیز مواد برآمد

ٹیکنالوجی کی منتقلی

آئی ایس پی آر کے مطابق ایتھوپیا کی فضائیہ کے کمانڈر لیفٹیننٹ جنرل یلما مرداسا نے ہوا بازی کے شعبے میں ٹیکنالوجی کی منتقلی کے مواقع تلاش کرنے میں بھی گہری دلچسپی کا اظہار کیا۔

یہ بھی پڑھیں: ستاروں کی روشنی میں آپ کا آج (ہفتے) کا دن کیسا رہے گا؟

تفصیلی بریفنگ

ایتھوپیا کے ایئر چیف نے نیشنل آئی ایس آر اور انٹیگریٹڈ ایئر آپریشنز سینٹر اور پی اے ایف سائبر کمانڈ میں تفصیلی بریفنگ لی، جہاں انہوں نے پی اے ایف کی تکنیکی ترقی اور جدید جنگ میں جدید صلاحیتوں کے انضمام کو سراہا۔

مؤقف

آئی ایس پی آر نے کہا ہے کہ لیفٹیننٹ جنرل یلما مرداسا کا ایئر ہیڈ کوارٹرز اسلام آباد کا دورہ، دونوں ممالک کے فوجی شراکت داری کو تقویت دینے، تعاون کو فروغ دینے اور مضبوط تعلقات کو بڑھانے کے پختہ عزم کی نشاندہی کرتا ہے۔