آبی گزرگاہوں پر تعمیرات کی اجازت دیں گے نہ ہی معاوضہ، وفاقی وزیر اطلاعات عطااللہ تارڑ

وفاقی وزیر کی تقریب میں گفتگو

وزیر آباد (ڈیلی پاکستان آن لائن) وفاقی وزیر اطلاعات عطااللہ تارڑ کا کہنا ہے آبی گزرگاہوں میں تعمیرات کے نقصان کا معاوضہ ادا کرنا ممکن نہیں۔ غیر قانونی تعمیرات کا کوئی ازالہ نہیں ہو سکتا، اور حکومت آبی گزرگاہوں میں تعمیرات کی اجازت نہیں دے گی۔

یہ بھی پڑھیں: پنجاب پبلک سروس کمیشن نے پی ایم ایس کے تحریری امتحانات کے حوالے سے اہم فیصلہ کر لیا

سیلاب کی صورتحال پر میڈیا بریفنگ

سیلاب کی صورتحال پر میڈیا بریفنگ کے دوران عطااللہ تارڑ کا کہنا تھا کہ حکومت ناگہانی صورتحال سے نمٹنے کے لیے کوشاں ہے۔ مشکل وقت میں پاکستانی قوم ایک ہو جاتی ہے۔ نیشنل رسپانس خیبرپختونخوا میں بھی دیا گیا، جبکہ پنجاب میں بھی اقدامات جاری ہیں۔ مشکل ترین صورتحال کے باوجود ہم نے شاندار ٹیم ورک کیا، جس کی وجہ سے کم سے کم جانی نقصان ہوا۔ وزیراعظم شہباز شریف، وزیراعلیٰ پنجاب مریم نواز شریف، این ڈی ایم اے، پی ڈی ایم اے، ریسکیو 1122، ضلعی انتظامیہ اور پاک فوج نے سیلابی صورتحال میں مل کر کام کیا، ایسے مثالی رابطے کم دیکھنے کو ملتے ہیں۔

یہ بھی پڑھیں: ایلون مسک اور مکیش امبانی: بھارت میں سیٹلائٹ انٹرنیٹ فراہم کرنے کے لیے ارب پتی کاروباری شخصیات کی دلچسپ مقابلہ بازی

پنجاب میں امدادی کارروائیاں

عطااللہ تارڑ کا کہنا تھا کہ پنجاب میں سیلاب میں پھنسے لوگوں کو بحفاظت نکال کر ان کی جانیں بچائی گئیں۔ ٹوٹنے والی سڑکوں کے سروے کا کام آج مکمل ہو جائے گا۔ جہاں جہاں بجلی کے مسائل پیش آئے، انہیں بھی حل کیا جا رہا ہے۔ پنجاب میں سیلاب سے لائیو اسٹاک کا بہت زیادہ نقصان ہوا، اس کے لیے بھی ایک سروے کروایا جائے گا، جس کے بعد مالکان کی ہر ممکن مدد کی جائے گی۔ ہمیں احساس ہے کہ لوگ مشکل میں ہیں، ہماری ہمدردی ان کے ساتھ ہے، کوشش ہے کہ جو لوگ بے گھر ہوئے، انہیں جلد از جلد واپس ان کے علاقوں میں پہنچائیں۔

بڑھتے ہوئے خطرات

عطااللہ تارڑ نے خبردار کیا کہ ابھی بھی بارشوں کا خطرہ ٹل نہیں ہے۔ لوگوں کو اس حوالے سے آگاہ کرنے کی ضرورت ہے، جمع پانی سے بیماریاں پھیلنے کا خدشہ ہے، جس سے بچاؤ کے لیے اقدامات اٹھا رہے ہیں۔