یوٹیوبر سعید الرحمان المعروف ڈکی بھائی کے جسمانی ریمانڈ میں مزید 4 روز کی توسیع

یوٹیوبر سعد الرحمٰن کی گرفتاری

لاہور (ڈیلی پاکستان آن لائن) سوشل میڈیا پر جوئے کی ترغیب دینے اور فحش مواد اپ لوڈ کرنے کے الزام میں گرفتار یوٹیوبر سعد الرحمٰن المعروف ڈکی بھائی کے جسمانی ریمانڈ میں مزید 4 دن کی توسیع کردی گئی۔

یہ بھی پڑھیں: علیمہ خان کے دوسرے بیٹے کی حراست پر چیئرمین پی ٹی آئی بیرسٹر گوہر کا رد عمل آ گیا

عدالت میں پیشی

ڈکی بھائی کو مقامی عدالت میں پیش کیا گیا، حکومت کے وکیل نے کہا کہ ابھی مزید تحقیقات جاری ہیں اور اسی لیے ان کے مزید ریمانڈ میں توسیع کی درخواست کی۔تاہم، یوٹیوبر کے وکیل چوہدری عثمان علی نے اس توسیع کی مخالفت کی، مگر عدالتی مجسٹریٹ نے سرکاری وکیل کی درخواست منظور کرتے ہوئے ملزم کے جسمانی ریمانڈ کو ایک ستمبر تک منظور کرلیا۔

گرفتاری کی تفصیلات

ڈکی بھائی کو 17 اگست کو نیشنل سائبر کرائم انویسٹی گیشن ایجنسی (این سی سی آئی اے) نے لاہور کے علامہ اقبال انٹرنیشنل ایئرپورٹ سے گرفتار کیا تھا۔ان کے خلاف مقدمہ این سی سی آئی اے لاہور کی جانب سے ریاست کی مدعیت میں درج کیا گیا، جس میں سیکشن 13 (الیکٹرانک جعلسازی)، سیکشن 14 (الیکٹرانک فراڈ)، سیکشن 25 (اسپیم) اور سیکشن 26 (اسپوفنگ) شامل ہیں۔ اس کے علاوہ پاکستان پینل کوڈ کی دفعات 294-بی اور 420 کے تحت بھی الزامات عائد کیے گئے۔