سابق وزیر خارجہ خوشید قصوری کی رہائشگاہ پر پاکستان نیشنل فورم کا اجلاس ، ڈیمز کی تعمیر کو ملک کی اولین ضرورت قرار دیدیا

اجلاس کی اہمیت

لاہور (ڈیلی پاکستان آن لائن) پاکستان نیشنل فورم کے ماہانہ اجلاس میں ملک میں سیلابی صورتحال کے سدباب کے لیے ڈیمز کی تعمیر کو ملک کی اولین ضرورت قرار دیتے ہوئے سنجیدہ اقدامات پر زور دیا گیا۔

یہ بھی پڑھیں: وزیر داخلہ محسن نقوی کی سعودی سفیر سے ملاقات، دوطرفہ تعاون پر تبادلہ خیال

ڈیمز کی تعمیر کی ضرورت

اجلاس میں کہا گیا کہ اگر ملک میں بروقت ڈیمز کی تعمیر ممکن بنتی تو بارشوں کا عمل سیلابی صورتحال اختیار کر کے زحمت کا باعث نہ بنتا۔ مزید برآں، ڈیمز ملک میں توانائی کے بحران کے خاتمہ اور زراعت کی مضبوطی کا باعث بنتے۔

یہ بھی پڑھیں: اکتوبر 2025 میں مہنگائی کی شرح میں ماہانہ بنیاد پر 1.83 فیصد اضافہ ہوا، ادارہ شماریات

اجلاس میں شرکاء

’’صباح نیوز‘‘ کے مطابق سابق وزیر خارجہ خورشید قصوری کی رہائش گاہ پر منعقدہ اجلاس میں ممتاز صحافی مجیب الرحمان شامی، بیگم مہناز رفیع، احمد بلال محبوب، سلمان غنی، سلمان عابد، بریگیڈیئر فاروق حمید، عبداللہ ملک، کرنل فرخ، دردانہ نجم، میجر ایراج ذکریا و دیگر نے شرکت کی۔

یہ بھی پڑھیں: وزیر اعلیٰ مریم نواز کا سیکیورٹی فورسز کو 11 بھارتی سپانسرڈ خوارج کو جہنم واصل کرنے پر خراج تحسین

معاشی اور سیاسی استحکام

اجلاس میں کہا گیا کہ بیرونی محاذ پر پاکستان کو ملنے والی پذیرائی کو معاشی حوالے سے مضبوطی کے لیے بروئے کار لانا چاہیے۔ ملک میں سیاسی استحکام کی جانب پیش رفت ہونی چاہیے تاکہ ملک کو معاشی حوالے سے خود انحصاری کی منزل پر لے جایا جا سکے۔

یہ بھی پڑھیں: میٹنگ اور بولاری کے درمیان مال گاڑیاں حادثے کا شکار

سیاسی ڈائیلاگ کی اہمیت

اجلاس کی رائے میں ملک کے جمہوری و سیاسی مستقبل کے لیے سیاسی ڈائیلاگ کا راستہ اختیار کرنا چاہیے۔ کبھی بھی کسی جماعت اور اس کی قیادت کو دیوار سے لگا کر آگے نہیں بڑھا جا سکتا اور نہ ہی انتشار و خلفشار کا خاتمہ ہو سکتا ہے۔

یہ بھی پڑھیں: نئے کرنسی نوٹوں کا ڈیزائن وزارت خزانہ کو بجھوا دیا ہے: گورنر اسٹیٹ بینک

بھارت کی صورتحال

اجلاس کے شرکاء کا کہنا تھا کہ ضد اور ہٹ دھرمی ملکوں کے لئے اچھی نہیں ہوتی۔ آج نریندر مودی کی ناقص پالیسیوں اور انتہا پسندانہ طرز عمل نے بھارت کو جگ ہنسائی کا ذریعہ بنا دیا ہے۔ کوئی ملک بھارت کے ساتھ کھڑا ہونے کو تیار نہیں ہے۔

یہ بھی پڑھیں: آپ کا آج (جمعرات) کا دن ستاروں کی روشنی میں کیسا رہے گا؟

پاکستان کی بین الاقوامی اہمیت

پاکستان کے جرأت مندانہ طرز عمل نے نہ صرف عسکری محاذ پر سرخرو کیا ہے بلکہ آج دنیا میں پاکستان کی اہمیت بڑھی ہے۔ اس اہمیت و حیثیت کو ملک میں استحکام کے لیے بروئے کار لانا چاہیے۔

فاتحہ خوانی

اجلاس میں تنویر شہزاد کے بڑے بھائی کے انتقال پر ایصال ثواب کیلئے فاتحہ خوانی بھی کی گئی۔