سابق وزیر خارجہ خوشید قصوری کی رہائشگاہ پر پاکستان نیشنل فورم کا اجلاس ، ڈیمز کی تعمیر کو ملک کی اولین ضرورت قرار دیدیا

اجلاس کی اہمیت

لاہور (ڈیلی پاکستان آن لائن) پاکستان نیشنل فورم کے ماہانہ اجلاس میں ملک میں سیلابی صورتحال کے سدباب کے لیے ڈیمز کی تعمیر کو ملک کی اولین ضرورت قرار دیتے ہوئے سنجیدہ اقدامات پر زور دیا گیا۔

یہ بھی پڑھیں: کاشتکاروں کے لیے 110 ارب روپے کا مجموعی پیکج، وزیراعلیٰ مریم نواز کی زیر صدارت گندم پالیسی کا اجلاس، اہم فیصلے اور منظوری

ڈیمز کی تعمیر کی ضرورت

اجلاس میں کہا گیا کہ اگر ملک میں بروقت ڈیمز کی تعمیر ممکن بنتی تو بارشوں کا عمل سیلابی صورتحال اختیار کر کے زحمت کا باعث نہ بنتا۔ مزید برآں، ڈیمز ملک میں توانائی کے بحران کے خاتمہ اور زراعت کی مضبوطی کا باعث بنتے۔

یہ بھی پڑھیں: ترکیہ قابل تجدید توانائی اور دفاعی صنعت سمیت مختلف شعبوں میں سعودیہ کے ساتھ تعلقات بلند سطح پر لے جانا چاہتا ہے، رجب طیب اردوان

اجلاس میں شرکاء

’’صباح نیوز‘‘ کے مطابق سابق وزیر خارجہ خورشید قصوری کی رہائش گاہ پر منعقدہ اجلاس میں ممتاز صحافی مجیب الرحمان شامی، بیگم مہناز رفیع، احمد بلال محبوب، سلمان غنی، سلمان عابد، بریگیڈیئر فاروق حمید، عبداللہ ملک، کرنل فرخ، دردانہ نجم، میجر ایراج ذکریا و دیگر نے شرکت کی۔

یہ بھی پڑھیں: بلاول بھٹو زرداری آج مولانا فضل الرحمان سے ملاقات کریں گے

معاشی اور سیاسی استحکام

اجلاس میں کہا گیا کہ بیرونی محاذ پر پاکستان کو ملنے والی پذیرائی کو معاشی حوالے سے مضبوطی کے لیے بروئے کار لانا چاہیے۔ ملک میں سیاسی استحکام کی جانب پیش رفت ہونی چاہیے تاکہ ملک کو معاشی حوالے سے خود انحصاری کی منزل پر لے جایا جا سکے۔

یہ بھی پڑھیں: وفاقی محتسب کی ٹیم کل کھلی کچہر ی لگا ئے گی، سر کا ری اداروں کیخلا ف شکا یات کا مو قع پر ازالہ کیا جائیگا

سیاسی ڈائیلاگ کی اہمیت

اجلاس کی رائے میں ملک کے جمہوری و سیاسی مستقبل کے لیے سیاسی ڈائیلاگ کا راستہ اختیار کرنا چاہیے۔ کبھی بھی کسی جماعت اور اس کی قیادت کو دیوار سے لگا کر آگے نہیں بڑھا جا سکتا اور نہ ہی انتشار و خلفشار کا خاتمہ ہو سکتا ہے۔

یہ بھی پڑھیں: لاہور میٹرو بس سروس کا 12 سال بعد کرایہ وصولی کا نظام تبدیل، ٹوکن کی جگہ پرچی دی جائے گی

بھارت کی صورتحال

اجلاس کے شرکاء کا کہنا تھا کہ ضد اور ہٹ دھرمی ملکوں کے لئے اچھی نہیں ہوتی۔ آج نریندر مودی کی ناقص پالیسیوں اور انتہا پسندانہ طرز عمل نے بھارت کو جگ ہنسائی کا ذریعہ بنا دیا ہے۔ کوئی ملک بھارت کے ساتھ کھڑا ہونے کو تیار نہیں ہے۔

یہ بھی پڑھیں: نیوزی لینڈ نے ویسٹ انڈیز کے خلاف پہلے ٹیسٹ کے لیے 14 رکنی اسکواڈ کا اعلان کردیا

پاکستان کی بین الاقوامی اہمیت

پاکستان کے جرأت مندانہ طرز عمل نے نہ صرف عسکری محاذ پر سرخرو کیا ہے بلکہ آج دنیا میں پاکستان کی اہمیت بڑھی ہے۔ اس اہمیت و حیثیت کو ملک میں استحکام کے لیے بروئے کار لانا چاہیے۔

فاتحہ خوانی

اجلاس میں تنویر شہزاد کے بڑے بھائی کے انتقال پر ایصال ثواب کیلئے فاتحہ خوانی بھی کی گئی۔