کراچی میں پولیس مقابلے کے دوران گولیاں لگنے سے خاتون زخمی ہوگئی

کراچی میں پولیس مقابلہ

کراچی(ڈیلی پاکستان آن لائن) نارتھ کراچی پاور ہاؤس چورنگی کے قریب مبینہ پولیس مقابلے کے دوران ایک راہگیر خاتون فائرنگ کی زد میں آکر شدید زخمی ہوگئی۔

یہ بھی پڑھیں: فیصل آباد: خود کو ایف بی آر افسر ظاہر کرنیوالے 3 افراد گرفتار

زخمی خاتون اور ڈاکو کی حالت

ایس ایچ او بلال کالونی اللہ بخش نے بتایا کہ مقابلے کے دوران 30 سالہ نسرین ڈاکوؤں کی فائرنگ سے زخمی ہوئی ہے، جسے فوری طبی امداد کے لیے عباسی شہید ہسپتال منتقل کر دیا گیا۔

مقابلے کے دوران ایک ڈاکو کو کمر میں تین گولیاں لگی تھیں، جسے اس کا ساتھی 125 موٹر سائیکل پر لے کر فرار ہوگیا۔

پولیس کی کارروائیاں

پولیس کی جانب سے ڈاکوؤں کی تلاش کا عمل جاری ہے۔ چھیپا حکام کا کہنا ہے کہ شدید زخمی خاتون کو پیٹ پر گولی لگی تھی، جس کی حالت تشویشناک بتائی جاتی ہے۔