چیئرپرسن ٹاسک فورس رانا منان خان اور سیکرٹری داخلہ پنجاب ڈاکٹر احمد جاوید قاضی کا نارووال جیل کا دورہ

چیئرپرسن اور سیکرٹری داخلہ کا دورہ نارووال جیل

لاہور (ڈیلی پاکستان آن لائن) چیئرپرسن وزیراعلی ٹاسک فورس برائے جیل خانہ جات رانا منان خان اور سیکرٹری داخلہ پنجاب ڈاکٹر احمد جاوید قاضی نے نارووال جیل کا دورہ کیا۔

اجزاء کا معائنہ

چیئرپرسن ٹاسک فورس اور سیکرٹری داخلہ نے جیل کے مختلف حصوں جیسے ہسپتال، کچن، قیدیوں کی بیرکس، ملاقاتی شیڈ اور پی سی او میں صورتحال کا جائزہ لیا۔

اہل خانہ سے ملاقات

انہوں نے قیدیوں سے ملاقات کیلئے آئے اہل خانہ سے مشکلات دریافت کیں اور جیل بیرکس کے دورے پر قیدیوں سے فرداً فرداً ملاقات میں انکے حالات معلوم کیے۔

تعلیم و تربیت کا جائزہ

سیکرٹری داخلہ نے جوینائل جیل میں قیدی بچوں سے انکی تعلیم و تربیت کے بارے میں معلومات لیں۔ چیئرپرسن ٹاسک فورس اور سیکرٹری داخلہ نے کچن میں صفائی اور کھانے کے معیار کا جائزہ لیا۔

اس موقع پر گفتگو کرتے ہوئے چیئرپرسن ٹاسک فورس رانا منان خان کا کہنا تھا کہ پنجاب بھر کی جیلوں میں قیدیوں کو ہینڈی کرافٹس کی تیاری کی تربیت دی جا رہی ہے۔ پنجاب کی تمام جیلوں میں قیدیوں کو حجام، درزی، باورچی، موٹرسائیکل مکینک، الیکٹریشن کی تربیت دی جا رہی ہے۔

اصلاحاتی مشن

سیکرٹری داخلہ پنجاب ڈاکٹر احمد جاوید قاضی نے کہا کہ پنجاب کی جیلوں کو اصلاحی مراکز میں تبدیل کرنا ہمارا مشن ہے۔ انہوں نے تمام جیل سپرنٹینڈنٹس کو ہدایت کی کہ قیدیوں سے ملاقات میں اہل خانہ کو سہولت فراہم کی جائے۔

تمام سپرنٹنڈنٹس جیل اسیران کو جیل انڈسٹری میں تکنیکی تربیت دیکر معاشرے کا مفید رکن بنائیں۔ جیل انڈسٹری کی کارکردگی اور معیار تمام سپرنٹنڈنٹس کی کارکردگی میں شمار ہوگا۔