راوی میں ریلیف آپریشن میں مصروف امدادی لائف بوٹ میں سانپ گھس گیا

سانپ کی موجودگی، دریائے راوی میں سیلابی صورتحال

لاہور (ڈیلی پاکستان آن لائن) لاہور کے قریب دریائے راوی میں سیلابی صورتحال کے پیشِ نظر متاثرین کے ریلیف آپریشن میں مصروف امدادی لائف بوٹ میں سانپ گھس گیا۔ ریسکیو ٹیم کے اہلکاروں نے سانپ کو لائف بوٹ سے باہر نکال دیا جس پر دریا پر کھڑے لوگوں نے ریسکیو کی ٹیم کو شاباش دی۔

یہ بھی پڑھیں: عمرے کی آڑ میں گداگری کیلئے سعودی عرب جانے کی کوشش میں تین خواتین گرفتار

خطرناک جانوروں کا بہاؤ

’’جیو نیوز‘‘ کے مطابق دریائے راوی میں شاہدرہ کے مقام پر اونچے درجے کا سیلاب ہے۔ سیلاب کے پانی کے ساتھ مختلف جانور بھی بہہ کر ساتھ آ رہے ہیں جن میں سب سے خطرناک جانور سانپ ہے۔

یہ بھی پڑھیں: مقبوضہ کشمیر میں مسلح افراد کا ٹنل پر حملہ، بڑی تعداد میں ہلاکتیں

شہریوں کی حفاظت کا خیال

’’جیو نیوز‘‘ کے نمائندے کے مطابق سیلاب کے پانی سے اب تک متعدد سانپ نکل چکے ہیں جنہیں شہریوں کی حفاظت کے پیشِ نظر مارا بھی گیا ہے۔

پانی کی سطح میں کمی

دریائے راوی میں شاہدرہ کے مقام پر پانی کی سطح نیچے آ رہی ہے، ڈی سی لاہور کے مطابق 10 سے 15 گھنٹوں کے دوران پانی کی سطح مزید نیچے آ جائے گی۔