یو اے ای کی ایئرلائن نے لبنان حملوں کے بعد پیجرز اور واکی ٹاکیز پر پابندی لگائی

دبئی ایئرلائنز کی نئی پابندی

ابوظہبی (ڈیلی پاکستان آن لائن) متحدہ عرب امارات کی دبئی ایئرلائنز نے لبنان میں حزب اللہ کے مواصلاتی نظام میں ہونے والے دھماکوں کے بعد اپنے مسافروں کو دوران پرواز پیجرز اور واکی ٹاکیز ساتھ رکھنے پر پابندی عائد کردی ہے۔

یہ بھی پڑھیں: مجھے کرکٹ کھیلنے پر افسوس ہے، معروف بھارتی کپتان اظہر الدین کا بیان

پابندی کی تفصیلات

رائٹرز کی رپورٹ کے مطابق دبئی ایئرلائنز نے بیان میں کہا ہے کہ ایئرلائن کے تمام مسافروں کو پیجرز اور واکی ٹاکیز ساتھ رکھنے سے منع کردیا گیا ہے اور اس حوالے سے سامان کی تلاشی بھی لی جائے گی۔

یہ بھی پڑھیں: کون سے شعبے کی ترقی رہی؟ اقتصادی جائزہ کو حتمی شکل دے دی گئی

سیکیورٹی اقدامات

بیان میں کہا گیا کہ مسافروں سے کسی قسم کی ممنوعہ اشیاء برآمد ہونے کی صورت میں اسے دبئی پولیس قبضے میں لے گی کیونکہ یہ سخت سیکیورٹی اقدامات کا حصہ ہے۔

یہ بھی پڑھیں: رائیونڈ میں پھلوں کی قیمت پر بحث کے دوران جھگڑا، ریڑھی بان نے خریدار کو قتل کر دیا

پروازوں کی معطلی

ایئرلائن کی جانب سے مزید کہا گیا کہ عراق اور ایران جانے والی پروازیں منگل تک بدستور معطل رہیں گی، جبکہ اردن کے لیے پروازیں اتوار کو بحال کردی جائیں گی۔

یہ بھی پڑھیں: حکومت کو آئینی ترمیم کے لیے سینیٹ میں 64 اور قومی اسمبلی میں 224 ووٹ درکار

لبنان کے لیے پروازیں

لبنان کے لیے پروازوں کے حوالے سے بیان میں کہا گیا کہ لبنان کے لیے پروازیں حزب اللہ اور اسرائیل کے درمیان کشیدگی اور بیروت ایئرپورٹ پر حملوں کی وجہ سے 15 اکتوبر معطل رہیں گی۔

یہ بھی پڑھیں: پی ٹی آئی رہنما اعجاز چودھری کی 10 سال سزا کے خلاف اپیل، عدالت اسپیشل پراسیکیوٹر کو تیاری کے لئے مہلت دے دی

دیگر ایئرلائنز کی صورتحال

بیروت کے لیے دنیا کی دیگر کئی ایئرلائنز نے اپنی پروازیں معطل کردی ہیں اور خطے میں جاری کشیدگی کے باعث متعدد پڑوسی ممالک کے لیے بھی پروازیں معطل ہیں۔

حملوں کی ذمہ داری

لبنان کی مزاحمتی تحریک حزب اللہ کے ارکان کے زیراستعمال پیجرز اور ریڈیوز دھماکوں سے اڑ گئے تھے جس میں درجنوں افراد جاں بحق ہوگئے تھے۔ اس کی ذمہ داری اسرائیل پر عائد کی گئی، حالانکہ اسرائیل نے اس کی تردید نہیں کی تھی اور نہ ہی ان حملوں کی ذمہ داری تسلیم کی تھی۔