4 Individuals Drown During Seaside Picnic

کراچی میں ڈوبنے والے افراد کی افسوسناک خبر

کراچی(ڈیلی پاکستان آن لائن) ہاکس بے منوڑا کے قریب پکنک کے لیے جانے والے ایک ہی خاندان کے دو خواتین سمیت چار افراد سمندر میں ڈوب کر جاں بحق ہوگئے۔

یہ بھی پڑھیں: شہبازشریف اور اسحاق ڈار نجکاری میں یقین نہیں رکھتے، مفتاح اسماعیل

واقعے کی تفصیلات

حکام کے مطابق ماڑی پور کے علاقے ہاکس بے منوڑا کے قریب سمندر میں نہانے والے چار افراد ڈوب گئے۔ واقعے کی اطلاع ملنے پر پولیس، ریسکیو اور غوطہ خوروں سمیت موقع پر پہنچ گئے اور امدادی کارروائی شروع کردی۔ چند گھنٹوں بعد رضاکاروں نے ڈوبنے والی دو لڑکیوں اور ایک نوجوان کی لاش سمندر سے نکال لی۔

یہ بھی پڑھیں: سندھ ہائی کورٹ نے ہیروئن بیچتے پکڑی جانے والی 14سالہ لڑکی کے والدین کی فوری گرفتاری کا حکم دیدیا

لاشوں کی شناخت

امدادی ٹیم نے بتایا کہ لاشوں کو ضابطے کی کارروائی کے لیے اسپتال منتقل کیا گیا، جہاں ان کی شناخت 24 سالہ معاذ، 20 سالہ حفصہ اور حبا کے ناموں سے ہوئی۔ جبکہ چوتھے شخص کی لاش نہیں مل سکی، جس کی شناخت 24 سالہ غلام مصطفی کے نام سے بتائی جا رہی ہے۔ نکالی جانے والی لاشیں بھائی اور بہنوں کی ہیں۔

یہ بھی پڑھیں: نائیجیریا میں موسلادھار بارشوں کے بعد سیلاب سے تباہی، حادثات میں 115 افراد ہلاک، نظام زندگی دہم برہم

چوتھے شخص کی تلاش جاری

ریسکیو حکام کے مطابق سمندر میں ڈوبنے والے چوتھے شخص کی تلاش کا عمل جاری ہے۔

یہ بھی پڑھیں: رواں سال پاکستان کی شرح نمو 2.5 فیصد رہنے کا امکان ہے: ایشیائی ترقیاتی بینک

پکنک کا مقصد اور رہائشی معلومات

پولیس کے مطابق سمندر میں ڈوبنے والے نوجوان کراچی کے علاقے فیڈرل بی ایریا بلاک 9 دستگیر فرزانہ دواخانہ کے قریب کے رہائشی تھے اور تمام افراد پکنک کے لیے منوڑا کے ساحل پر آئے تھے۔