سرکاری ملازمین کو احتجاج کی اجازت نہیں، نیا حکمنامہ جاری
بلوچستان ہائیکورٹ کا حکم
کوئٹہ (ڈیلی پاکستان آن لائن) بلوچستان ہائیکورٹ نے حکم دیا کہ سرکاری ملازمین اب سڑکوں پر نکل کر احتجاج نہیں کرسکیں گے، اس حوالے سے عدالت نے اعلامیہ جاری کردیا ہے۔
یہ بھی پڑھیں: غزوات سے واپسی پر حضرت محمدﷺ کیا کلمات ادا کرتے اور اس جیت کے بعد پاکستانیوں کو کس بات سے بچنا ہے؟
سرکاری ملازمین کے لئے ہدایت
سرکاری اعلامیے کے مطابق ہائیکورٹ کے حکم کے تحت سرکاری ملازمین سول سیکریٹریٹ اور شاہراہوں میں احتجاج سے باز رہیں۔
احتجاج کی مشروط اجازت
اعلامیے میں کہا گیا ہے کہ احتجاج کے لئے مقامات کے حوالے سے ڈپٹی کمشنر کوئٹہ کے احکامات کی پیروی کی جائے، تاہم ملازمین ڈیوٹی کے اوقات میں احتجاج نہیں کرسکتے۔ جو ملازم سرکاری اعلامیے کی خلاف ورزی کرے گا اس کے خلاف کارروائی عمل میں لائی جائے گی۔
