سیلاب متاثرین کی نشاندہی کیلئے ڈورن ٹیکنالوجی کا استعمال، جھنگ، چشتیاں اور بہاولنگر میں ریسکیو آپریشن

ڈرون ٹیکنالوجی کا کامیاب استعمال

لاہور (ڈیلی پاکستان آن لائن) ملک کی تاریخ میں پہلی بار سیلاب متاثرین کی نشاندہی کے لئے ڈرون ٹیکنالوجی کا کامیابی سے استعمال کیا گیا۔ وزیر اعلیٰ مریم نواز شریف کی ہدایت پر صوبہ بھر میں سیلابی پانی میں محصور افراد کی تلاش کے لئے تھرمل امیجنگ ڈرون کیمروں کی اڑانیں جاری ہیں۔

یہ بھی پڑھیں: رینجرز اہلکاروں کو گاڑی تلے کچلنے والے ملزم کے جسمانی ریمانڈ میں توسیع

ریسکیو آپریشن کی کامیابی

مختلف شہروں میں تھرمل امیجنگ ڈرون سے دشوار گزار دور افتادہ علاقوں میں سیلاب متاثرین کی نشاندہی کے بعد کامیاب ریسکیو آپریشن کیا جارہا ہے۔ ڈرون کیمرے کی مدد سے سیلاب متاثرہ علاقوں میں سرویلنس آپریشن بھی کیا جارہا ہے۔

یہ بھی پڑھیں: مختلف محکموں میں کرپشن، وزیراعلیٰ پنجاب نے بھی اعتراف کرلیا

جھنگ میں تلاش کے آپریشن

جھنگ کے علاقے سیمی پل بائی پاس سرگودھا روڈ اور دیگر علاقوں میں ڈرونز کی مدد سے سیلابی ریلے میں گھرے افراد اور لائیوسٹاک کو تلاش کیا گیا۔ تھرمل امیجنگ کیمرے نے سیلابی پانی میں گھرے ہوئے 5 افراد اور مویشیوں کی نشاندہی پر لوکیشن ٹریس کر کے ریسکیو ٹیم نے 5 افراد اور مال مویشیوں کو بحفاظت نکال کر محفوظ مقام پر منتقل کردیا۔

چشتیاں اور بہاولنگر میں کارروائیاں

وزیراعلیٰ مریم نواز کی ہدایت پر چشتیاں کی دریائی بیلٹ میں بھی سیلاب متاثرہ علاقوں سے ڈرون کیمروں کے ذریعے متاثرین کی تلاش کا عمل جاری ہے۔ محفوظ مقامات پر منتقل کرنے کیلئے ریسکیو بوٹس کی سرویلنس بھی جاری ہے۔ بہاولنگر کی دریائی بیلٹ کے سیلاب متاثرہ علاقوں میں بھی تھرمل امیجنگ ڈرون کیمروں کا استعمال کیا جارہا ہے۔ تھرمل امیجنگ ڈرون کیمروں کے ذریعے سیلابی پانی میں گھرے افراد اور مویشیوں کی آسانی سے نشاندہی ممکن ہورہی ہے۔