بھارت نے ٹیرف ختم کرنے کی پیشکش کی ہے، صدر ٹرمپ

ٹرمپ کا بھارت کے ساتھ تجارتی تعلقات پر بیان

واشنگٹن (ڈیلی پاکستان آن لائن) امریکہ کے صدر ڈونلڈ ٹرمپ نے بھارت کے ساتھ تجارتی تعلقات کو "یکطرفہ تباہی" قرار دیتے ہوئے کہا ہے کہ دہائیوں سے امریکہ کو نقصان اٹھانا پڑ رہا ہے۔

یہ بھی پڑھیں: یورپ جی ایس پی پلس جاری رکھے، بھارتی جارحیت روکے: بلاول بھٹو

امریکہ کا بھارت کے ساتھ تجارتی عدم توازن

ٹروتھ سوشل پر جاری اپنے بیان میں ٹرمپ نے کہا کہ امریکہ بھارت کے ساتھ بہت کم کاروبار کرتا ہے، مگر بھارت امریکہ کو بڑے پیمانے پر سامان فروخت کرتا ہے۔ ان کے مطابق، بھارت امریکہ کا سب سے بڑا "کلائنٹ" ہے، لیکن امریکہ بھارت کو نہ ہونے کے برابر اشیا فروخت کرتا ہے۔

یہ بھی پڑھیں: لاہور قلندرز نے پی ایس ایل کے ساتھ معاہدے میں 10 سال کی توسیع کردی

بھارت کے ٹیرف کے اثرات

امریکی صدر نے الزام عائد کیا کہ بھارت نے ہمیشہ امریکہ پر دنیا کے سب سے زیادہ ٹیرف لگائے، جس کی وجہ سے امریکی کاروبار وہاں اپنا سامان بیچنے میں ناکام رہے۔ ٹرمپ نے کہا "یہ ایک مکمل طور پر یکطرفہ تباہی رہی ہے، اور یہ سلسلہ کئی دہائیوں سے جاری ہے۔"

بھارت کی روس سے خریداری

انہوں نے مزید کہا کہ بھارت اپنی تیل اور فوجی مصنوعات کی زیادہ تر خریداری روس سے کرتا ہے اور امریکا سے بہت کم لیتا ہے۔ تاہم، ان کا کہنا تھا کہ اب بھارت نے ٹیرف ختم کرنے کی پیشکش کی ہے، لیکن یہ فیصلہ بہت دیر سے آیا ہے۔ انہیں یہ کام کئی سال پہلے کر دینا چاہیے تھا۔