سندھ حکومت نے سیاحتی مقامات پر سیاحوں کو جانے سے روک دیا

حکومت سندھ کا فیصلہ

کراچی (ڈیلی پاکستان آن لائن) وزیر اعظم شہباز شریف  کے حکم پر حکومت سندھ نے سیاحتی مقامات پر سیاحوں کو جانے سے روک دیا۔

یہ بھی پڑھیں: ماہرہ خان کے چہرے کی تبدیلی پر مداحوں کی تنقید، بوٹوکس اور فلرز کی خبریں زیرِ گردش

وزیر اعظم ہاؤس کا مراسلہ

وزیر اعظم ہاؤس کی جانب سے چاروں صوبوں کو خط لکھا گیا ہے جس میں کہا گیا ہے کہ حالیہ مون سون کی بارشیں شدید ہیں،  سیاحتی علاقے پانی میں ڈوب گئے ہیں اس لئے سیاحوں کو ان کی قیمتی زندگی کے تحفظ کی خاطر ان علاقوں میں جانے سے روکا جائے۔ جو علاقے پہاڑی ہیں وہاں ہر صورت میں سیاحوں کو جانے سے روکا جائے کیونکہ وہاں زیادہ پانی ہے اور پہاڑی تودے بھی گر رہے ہیں۔

یہ بھی پڑھیں: وزیراعلیٰ خیبرپختونخوا کا افغانستان کے زلزلہ متاثرین کے لیے مزید 1000 خیمے اور ادویات بھیجنے کا اعلان

حکم کی توثیق

وزیر اعظم ہاؤس کے خط پر حکومت سندھ نے بارشوں کے دوران سیاحوں کو سیاحتی مقامات پر جانے سے روکنے کا حکم جاری کردیا ہے۔ چیف سیکریٹری نے تمام کمشنرز اور صوبائی ڈزاسٹر مئنجمنٹ اتھارٹی کو حکم جاری کرکے سیاحوں کو روکنے کا حکم جاری کردیا، چیف سیکریٹری نے صوبائی ڈزاسٹر مینجمنٹ اتھارٹی کو خط لکھ دیا کہ وہ فوری طور پر اس حکم پر عمل کرائیں۔ صوبائی ڈزاسٹر مینجمنٹ اتھارٹی اور کمشنرز کے حکم پر ڈپٹی کمشنرز نے سیاحتی مقامات پر سیاحوں کو روکنے کیلئے اقدامات کردیئے ہیں۔

روکنے کی مخصوص جگہیں

سندھ میں گورکھ ہل، ڈاڑھیارو جبل اور تھرپارکر کے علاقہ ننگر پارکر میں سیاحوں کو جانے سے روکنے کا حکم دے دیا گیا ہے۔