عمران خان کا اختتام بانی ایم کیو ایم جیسا ہوگا، فیصل واوڈا

سینیٹر فیصل واوڈا کی تنقید

اسلام آباد (ڈیلی پاکستان آن لائن) سینیٹر فیصل واوڈا کا کہنا ہے کہ بانی پی ٹی آئی کو سمجھ آگیا ہے کہ وہ پھنس گئے ہیں اور باہر نہیں نکل سکتے۔ ان کو لاشیں چاہئیں وہ فرسٹریٹڈ ہیں، ان کا انجام بانی ایم کیو ایم والا ہوگا۔

یہ بھی پڑھیں: پی ایس ایل میں زیادہ ففٹیز فخر نے رضوان کو پیچھے چھوڑ دیا

نجی ٹی وی پروگرام میں گفتگو

نجی ٹی وی کے پروگرام میں گفتگو کرتے ہوئے سینیٹر فیصل واوڈا نے کہا کہ اب کچھ ہوا تو معاملہ آرمی کورٹ میں چلا جائے گا۔ پچھلی بار جب گنڈاپور آئے تھے تو ان کے موبائل کے سگنل نہیں مل رہے تھے، ان کو پیسٹری کھلائی تھی، اس بار وِپڈ کریم کے ساتھ پیسٹری کھلائی جائے گی۔

یہ بھی پڑھیں: 8ویں جماعت کی طالبہ کی 40 سالہ شخص سے شادی

سرکاری وسائل کا استعمال

انہوں نے کہا کہ وزیر اعلیٰ خیبرپختونخوا سرکاری وسائل استعمال کر رہے ہیں۔ قانون میں لکھا ہے کہ ڈی چوک نہیں آنا، لیکن ان کو یہیں آنا ہے۔ یہ سرکاری لوگوں کو لا کر خوار کر رہے ہیں، اپنے بچوں کو کیوں نہیں لا رہے؟ ایک صوبے کے وسائل استعمال کرتے ہوئے آپ وفاق پر چڑھائی نہیں کر سکتے، اگر وزیراعلیٰ نے اکسایا ہے تو وزیراعلیٰ اور بانی پی ٹی آئی کے خلاف پرچہ کٹے گا۔

یہ بھی پڑھیں: نائب وزیراعظم اسحاق ڈار کا آئندہ ہفتے دورہ سعودی عرب کا امکان

حکومت کی ذمہ داری

فیصل واوڈا نے کہا کہ حکومت کا کام ہے کہ غبارے سے ہوا نکالے۔ حکومت پی ٹی آئی کو مخصوص جگہ دے، بانی پی ٹی آئی کا احتجاج پانی کا بلبلہ ہے۔ مچھر پارٹی کے مچھر پروٹیسٹ کو مارنے کے لیے تلوار نکال لی، پی ٹی آئی کی اسیٹریٹیجی یہی ہے کہ بانی پی ٹی آئی جیل میں رہیں۔

یہ بھی پڑھیں: ورلڈ باکسنگ چیلنج: پاکستان کی لاورا اکرم کو سیمی فائنل میں شکست

سیاست اور شیخ وقاص

سینیٹر نے کہا کہ شیخ وقاص تین چار جماعتیں گھوم کر آ چکے ہیں، بیرسٹر گوہر، عمر ایوب کدھر ہیں؟ کہیں بھی نہیں، پتا نہیں یہ کیا کر رہے ہیں۔ دونوں طرف سے شیلنگ ہو رہی ہے، یہ غریبوں کو مروانے کی سیاست کر رہے ہیں۔

بجلی اور معیشت کی صورتحال

انہوں نے یہ بھی کہا کہ بجلی سستی ہورہی ہے، مزید سستی ہوگی۔ ترسیلات ریکارڈ پر ہیں، ایکسپورٹس بڑھ رہی ہیں، کریڈٹ ایس آئی ایف سی کو جاتا ہے۔