احسن اقبال: پی ٹی آئی ترکیہ کی گولن تحریک کی طرز پر پاکستانی ریاست پر کنٹرول حاصل کرنے کا منصوبہ بنا رہی ہے

وفاقی وزیر احسن اقبال کا بیان

لاہور(ڈیلی پاکستان آن لائن) وفاقی وزیر احسن اقبال نے کہا ہے کہ تحریکِ انتشار پاکستان کی گولن تحریک بن چکی ہے، پی ٹی آئی ترکیہ کی گولن تحریک کی طرح پاکستانی ریاست پر قبضہ کرنے کی سکیم پر عمل کر رہی ہے۔

یہ بھی پڑھیں: چاہے جان چلی جائے، بانی پی ٹی آئی کو رہا کرا کر دم لیں گے، علی امین گنڈا پور کا جلسے سے خطاب

پاکستانی ریاست کا دفاع

اپنے بیان میں احسن اقبال نے کہا کہ ترکیہ میں گولن تحریک کے حمایتی انتظامیہ، عدلیہ، پولیس اور فوج میں گھس چکے تھے، پاکستان کو بھی ریاست کے دفاع کیلئے اردگان کی طرز پر اس تحریک انتشار سے نمٹنا ہوگا۔

یہ بھی پڑھیں: Your Day (Wednesday) Under the Stars: What to Expect?

بانی پی ٹی آئی کا کردار

احسن اقبال نے مزید کہا کہ 2014 کے دھرنوں سے اب تک بانی پی ٹی آئی نے انتشار اور تشدد کی سیاست کو پروان چڑھایا، بانی پی ٹی آئی ریاست کو اندر سے کھوکھلا اور کمزور کرنے کی سازش کا مرکزی کردار ہے۔

سی پیک کے حوالے سے تشویش

وفاقی وزیر نے کہا کہ جب سی پیک کا پہیہ چلتا، چین کا اعلیٰ سطح کا دورہ طے ہوتا ہے تو تحریک انتشار کی دھرنا سیاست کا بٹن آن ہوجاتا ہے۔