سینیٹ؛ سینیٹر انوشہ رحمان کی نیب کے نمائندے کو بھی فائیو جی سپیکٹرم کی آکشن ایڈوائزری کمیٹی میں رکھنے کی تجویز

سینیٹ کی قائمہ کمیٹی برائے آئی ٹی اینڈ ٹیلی کام کا اجلاس

اسلام آباد(ڈیلی پاکستان آن لائن) سینیٹ کی قائمہ کمیٹی برائے آئی ٹی اینڈ ٹیلی کام کے اجلاس میں ن لیگ کی سینیٹر انوشہ رحمان نے نیب کے نمائندے کو آکشن ایڈوائزری کمیٹی میں رکھنے کی تجویز دی۔ انوشہ رحمان نے کہا کہ اگر نیب کے نمائندے کو شامل نہیں کیا گیا تو کل آڈٹ پیراز اور نیب کیسز بنیں گے۔ انہوں نے اے جی پی آر کے نمائندے کو بھی کمیٹی میں شامل کرنے کی تجویز دی۔

یہ بھی پڑھیں: پشاور میں آٹا مزید مہنگا، 20 کلو کا تھیلا 1900 روپے کا ہو گیا

فائیو جی سپیکٹرم کی نیلامی پر بریفنگ

نجی ٹی وی چینل جیو نیوز کے مطابق، پلوشہ خان کی زیرصدارت سینیٹ قائمہ کمیٹی برائے آئی ٹی اینڈ ٹیلی کام کا اجلاس ہوا۔ فائیو جی کیلئے سپیکٹرم کی نیلامی پر قائمہ کمیٹی کو بریفنگ دیتے ہوئے وزارت آئی ٹی کے حکام نے بتایا کہ وزیراعظم سے اس بارے میں بات چیت ہوئی تھی۔ ہمایوں مہمند نے کہا کہ عدالتوں میں زیرسماعت سپیکٹرم کے کیسز پر جلد فیصلہ کروائیں۔

یہ بھی پڑھیں: افواج پاکستان کی شان ہیں، ہم ان کی بدولت امن و سکون کی زندگی گزار رہے ہیں: مراد علی شاہ

پی ٹی اے کی مشاورت

پی ٹی اے کے حکام نے کہا کہ کنسلٹنٹ پی ٹی اے نے 6 ماہ پہلے ہی ہائر کیا ہوا ہے اور مجموعی طور پر 600 میگاہرٹز بینڈ وڈتھ کی دستیابی کو یقینی بنایا جائے گا۔ کنسلٹنٹ نے مارکیٹ کا تجزیہ کرکے آکشن ایڈوائزری کمیٹی کو سفارشات دی ہیں۔

یہ بھی پڑھیں: سپیکر کی ہمشیرہ کا انتقال، وزیر اعلیٰ کا اظہار افسوس

نیب کا کردار

انوشہ رحمان نے کہا کہ نیب کے نمائندے کو سپیکٹرم نیلامی کمیٹی کا حصہ بنایا جائے تاکہ شفافیت برقرار رہے۔ ممبر پی ٹی اے نے بتایا کہ چیئرمین پی ٹی اے نے بھی نیب والوں کو آکشن سپروائزری کمیٹی میں شامل کرنے کی بات کی۔

پی ٹی سی ایل کا آڈٹ

چیئرمین کمیٹی پلوشہ خان نے پوچھا کہ پی ٹی سی ایل کا آڈٹ کیوں نہیں ہوتا؟ سینیٹر افنان اللہ نے کہا کہ پی ٹی سی ایل نے حکومت پاکستان کے 800 ملین ڈالر دینے ہیں۔ وزارت آئی ٹی کے حکام نے کہا کہ موجودہ پی ٹی سی ایل کی مینجمنٹ نہیں چاہتی کہ یہ تنازع حل ہو۔