امریکا کی جانب سے ممکنہ حملے کے لیے مکمل طور پر تیار ہیں، وزیر دفاع وینزویلا

وزیر دفاع کا سیاسی پیغام

کیراکس (آئی این پی) وینزویلا کے وزیر دفاع ولادی میر پادرینو لوپیز نے خبردار کیا ہے کہ ان کا ملک امریکا کی جانب سے کسی بھی ممکنہ حملے کے لیے مکمل طور پر تیار ہے۔

یہ بھی پڑھیں: لاہور گیریژن پولو گراؤنڈ کے زیراہتمام 10واں بیٹل ایکس پولوکپ 2024 جاری

امریکا کی مداخلت کا جواب

غیر ملکی خبر رساں ادارے کے مطابق جاری بیان میں وزیر دفاع نے کہا کہ اگر امریکا نے وینزویلا کی سرزمین پر قدم رکھنے کی جرات کی تو ہم لڑیں گے۔ پادرینو لوپیز نے مزید کہا کہ وینزویلا کو ایک منظم محاصرے کا سامنا ہے جس کا مقصد داخلی انتشار پیدا کرنا اور ملکی سیاسی قیادت کو کمزور کرنا ہے۔

یہ بھی پڑھیں: برطانیہ کا مشرقِ وسطیٰ میں فوجی طیارے تعینات کرنے کا فیصلہ

دوست ممالک اور امریکی موجودگی

انہوں نے مزید کہا کہ کیریبین پانیوں میں امریکی بحری جہازوں کی تعیناتی محض طاقت کا مظاہرہ ہے، ایک طریقہ کہ امریکا علاقے میں اپنی موجودگی ظاہر کرے تاکہ دیگر عالمی طاقتیں کیریبین سمندر میں اثر و رسوخ قائم نہ کر سکیں۔ وزیر دفاع کے مطابق، 15,000 فوجی اہلکاروں کو وینزویلا کے مغربی علاقوں میں تعینات کر دیا گیا ہے۔ اس کے ساتھ ساتھ اندرونِ ملک سیکیورٹی آپریشنز کے تحت منشیات کے خلاف کارروائیوں میں 30 سے زائد مجرمانہ اڈے اور غیر قانونی کشتی سازی کے مراکز تباہ کئے جا چکے ہیں۔

عسکری کشیدگی کی وشائش

یاد رہے کہ ماہ اگست کے اوائل میں امریکہ نے وینزویلا کے ساحل کے قریب جنگی بحری جہاز تعینات کیے تھے، جنہیں واشنگٹن کی جانب سے بین الاقوامی منشیات فروشوں کے خلاف حکمتِ عملی کا حصہ قرار دیا گیا ہے۔ کیریبین سمندر میں بڑھتی ہوئی عسکری کشیدگی پر خطے کے کئی رہنماؤں نے بھی تشویش کا اظہار کیا ہے۔