ٹنڈوالہ یار؛ گندم کی فی من قیمت 2200 سے بڑھ کر 4ہزار روپے ہو گئی

گندم کی قیمتوں میں اضافہ

ٹنڈو الہ یار (ڈیلی پاکستان آن لائن) صوبہ سندھ کے ضلع ٹنڈو الہ یار میں گندم کے ریٹ میں اچانک بڑے اضافے کے بعد فی من قیمت 4 ہزار ہوگئی۔

یہ بھی پڑھیں: یہ وقت ہرچند کہ بہت نازک ہے مگر مجھے پختہ یقین ہے کہ ہم اس پر غالب آئیں گے

کمپوزٹ قیمتوں کا اثر

نجی ٹی وی سما نیوز کے مطابق ٹنڈو الہ یار میں گندم کی قیمت 22 سو روپے من سے 4 ہزار روپے من پہنچ گئی، گندم کی قیمت بڑھنے سے آٹا کی قیمت میں 40 روپے فی کلو کا اضافہ ہوا۔

یہ بھی پڑھیں: یونیورسل میڈیکل ریکارڈ سسٹم سے عوام کو علاج کی سہولت میں آسانی ہوگی:مصطفیٰ کمال

آٹے کی نئی قیمتیں

اس کے علاوہ 75 روپے کلو ملنے والے آٹا 110 روپے فی کلو فروخت کیا جانے لگا، دوسری جانب کراچی میں کچھ دنوں کے دوران ہی 100 کلو گرام گندم کی قیمت میں دو ہزار روپے سے زائد اضافہ ہوا ہے۔

یہ بھی پڑھیں: پاک بھارت کشیدگی؛ پی ایس ایل ملتوی ہونے کا امکان بڑھ گیا

کراچی کی قیمتیں

کراچی میں گندم کی سو کلو گرام کی بوری 7200 سے بڑھ کر 9300 روپے ہوچکی ہے، شہر قائد میں 50 کلو آٹے کے تھیلے کی قیمت 5 ہزار روپے سے بڑھ گئی ہے۔

یہ بھی پڑھیں: آئی پی ایل دوبارہ کب شروع ہوگا؟

دیگر شہروں کی صورتحال

راولپنڈی میں گندم کی فی من قیمت 3700 روپے ہو گئی، جبکہ لاہور میں گندم کی قیمت 3500 روپے ہے۔ اسلام آباد، راولپنڈی اور لاہور میں 15 کلو آٹے کے تھیلے کی قیمت 150 روپے تک بڑھ گئی ہے۔

خیبرپختونخوا کی ضرورت

دوسری جانب چیئرمین پاکستان فلورملز ایسوسی ایشن کا کہنا ہے کہ خیبرپختونخوا کو 53 لاکھ ٹن گندم کی پیدوار کی ضرورت ہے، صوبہ اس وقت 41 لاکھ شارٹ فال میں جا رہا ہے۔ اس وقت کے پی میں 2 لاکھ 71 ہزار ٹن گندم موجود ہے، یہ 2 لاکھ 71 ہزار ٹن گندم پچھلے سال صوبائی حکومت نے خریدی تھی جو اب بھی گوداموں میں موجود ہے۔