فلم گھونگھٹ کے دوران صائمہ پر عاشق ہوگیا تھا، سید نور کا اعتراف

سید نور کا محبت کا انکشاف

کراچی(ڈیلی پاکستان آن لائن)پاکستان کے نامور ڈائریکٹر سید نور نے انکشاف کیا ہے کہ ماضی کی فلم ’ گھونگھٹ ‘ کے دوران وہ اداکارہ صائمہ کے عاشق ہوگئے تھے۔

یہ بھی پڑھیں: پاکستان نے بنگلہ دیش کے 1971 کے واقعات پر معافی اور معاوضے کے مطالبے کی خبروں پر رد عمل جاری کر دیا

فلم گھونگھٹ کی کہانی

ایک انٹرویو کے دوران سید نور نے ماضی کی سپر ہٹ فلم ’ گھونگھٹ ‘ کی تیاری اور اس دوران شان اور صائمہ کو کاسٹ کیے جانے سے متعلق کہانی سنائی۔

یہ بھی پڑھیں: اسلام آباد ہائی کورٹ کے چیف جسٹس سرفراز ڈوگر کی عدالت کی کاز لسٹ منسوخ

کاسٹنگ کے چیلنجز

دوران انٹرویو سید نور نے انکشاف کیا کہ فلم ’ گھونگھٹ ‘ کیلئے نیلی اور نعمان اعجاز کو کاسٹ کیے جانا تھا لیکن ان دونوں اداکاروں کے جانے کے بعد اس وقت کے دو ناکام اداکار ( شان صائمہ) فلم گھونگھٹ کا حصہ بنے۔ لیکن فلم ریلیز ہونے کے بعد شان اور صائمہ کے کم بیک کو لوگوں نے بے حد پسند کیا۔

یہ بھی پڑھیں: سپیکر کی ہمشیرہ کا انتقال، وزیر اعلیٰ کا اظہار افسوس

اداکاروں کے انتخاب کی جھلک

سید نور کے مطابق شان کا کردار نعمان اعجاز کو کرنا تھا لیکن نعمان اعجاز نے کسی مسئلے کی وجہ سے معذرت کرلی تو پھر مجھے موقع مل گیا اور میں نے شان کو وہ کردار دے دیا۔

یہ بھی پڑھیں: اب برتھ سرٹیفیکیٹ اور ڈیتھ سرٹیفیکیٹ بالکل مفت بنوائیں، پنجاب حکومت نے فیس ختم کر دی، بڑا اعلان

فلم کی کامیابی کے قصے

سید نور نے مزید بتایا کہ میرے اس فیصلے پر فلم کے ہدایتکار پہلے پہل تو راضی نہ ہوئے حتیٰ کہ فلم خریدنے والوں نے بھی شان کا نام سن کر منع کر دیا تھا اور پیسے واپس مانگ لیے تھے لیکن پھر میرے کہنے پر اس فلم کیلئے شان کو کاسٹ کیا گیا۔

یہ بھی پڑھیں: جدہ میں آئی پی ایل کی بولیاں، کون کتنے میں فروخت ہوا؟ جانئے

صائمہ کی شمولیت کا فیصلہ

انہوں نے کہا کہ اس فلم کی دوسری چوائس صائمہ تھی، اس کردار کیلئے بھی اداکارہ نیلی کو کاسٹ کیے جانا تھا لیکن نیلی بھی چلی گئیں جس کے بعد مجھے کہا گیا کہ نیلی کی جگہ صائمہ کو کاسٹ کرلیں۔

یہ بھی پڑھیں: اظہر جاوید سماء ٹی وی پاکستان کے برطانیہ میں بیورو چیف مقرر

محبت اور شادی کا آغاز

سید نور نے اعتراف کیا کہ فلم گھونگھٹ کے دوران میں صائمہ کا عاشق ہوگیا تھا اور اسی فلم کے بعد آگے چل کر میری اورصائمہ کی شادی ہوئی۔

یہ بھی پڑھیں: پشاور: ایف سی ہیڈ کوارٹر پر حملہ، 3 دہشتگرد ہلاک، 3 ایف سی اہلکار شہید

پہلی شادی کا ذکر

واضح رہے کہ ہدایتکار سید نور نے پہلی شادی رخسانہ نور سے کی تھی جن سے ان کا ایک بیٹا بھی ہے، سید نور کی پہلی اہلیہ کا اب انتقال ہوچکا ہے۔

شادی کے بارے میں اعتراف

صائمہ سے شادی سے متعلق سید نور نے ماضی میں ایک انٹرویو میں بتایا تھا کہ صائمہ سے ان کی شادی 1998 میں ریلیز ہونے والی فلم ’چوڑیاں‘ کے بعد ہوئی تھی مگر انہوں نے اس کا اعتراف 2007 میں تقریباً 10 سالوں بعد کیا۔