کیا پاک، بھارت وزرائے اعظم ’’ٹاکرے‘‘ کا امکان ہے؟

اسلام آباد (ڈیلی پاکستان آن لائن) پاک، بھارت وزرائے اعظم کے ’’ٹاکرے ‘‘کا امکان ہے۔

وزیراعظم شہباز شریف کا خطاب

سینئر صحافی ’’صالح ظافر‘‘ کی رپورٹ کے مطابق وزیر اعظم شہباز شریف 26 ستمبر کو اقوام متحدہ کی جنرل اسمبلی سے خطاب کریں گے۔ جب وزیر اعظم شہباز شریف نیویارک پہنچیں گے تو یہ ان کی 73 ویں سالگرہ گزرنے کا تیسرا دن ہوگا۔

بھارتی وزیر اعظم نریندر مودی کا خطاب

بھارتی وزیر اعظم نریندر مودی بھی اقوام متحدہ کی جنرل اسمبلی سے اسی دن خطاب کریں گے، جو اپنی 76 ویں سالگرہ کے 9 دن بعد یہ خطاب کر رہے ہوں گے۔ دونوں وزرائے اعظم 23 ستمبر کو صدر ٹرمپ کے استقبالیہ میں شرکت کر سکتے ہیں جو پاکستان کے وزیر اعظم کی سالگرہ ہے۔

ون ٹو ون ملاقات کی درخواست

پاکستان نے نیویارک میں صدر ڈونلڈ ٹرمپ سے ون ٹو ون ملاقات کی درخواست کی ہے۔

بھارتی وزیر اعظم کی بولی اور الزامات کی توقع

معتبر ذرائع نے ’’جنگ‘‘ کو بتایا ہے کہ بھارتی وزیر اعظم اس دن صبح کے وقت خطاب کریں گے اور وہ اس دن خطاب کرنے والے چھٹے رہنما ہوں گے جبکہ شہباز شریف 15 نمبر کے مقرر ہوں گے۔ ذرائع کے مطابق بھارتی وزیر اعظم نریندر مودی کی جانب سے پاکستان پر الزامات لگائے جانے کی توقع ہے۔