اب کشتیوں میں ہسپتال: تاریخ میں پہلی بار “کلینک آن بوٹس” سروسز کا آغاز

پنجاب میں کلینک آن بوٹس سروسز کا آغاز

لاہور (ڈیلی پاکستان آن لائن) پنجاب کی تاریخ میں پہلی بار "کلینک آن بوٹس" سروسز کا آغاز کر دیا گیا۔

یہ بھی پڑھیں: اسلام آباد ہائیکورٹ نے چیئرمین پی ٹی اے کو عہدے سے ہٹانے کا حکم دیدیا

وزیر اعلیٰ کی ہدایت پر اقدامات

تفصیلات کے مطابق وزیر اعلیٰ مریم نواز کی ہدایت پر سیلاب زدہ علاقوں میں "کشتیوں پر ہسپتال" کی سہولیات فراہم کر دی گئی ہیں۔ وزیر اعلیٰ کی پنجاب ہیلتھ ٹیم صوبے بھر کے سیلاب متاثرین کی خدمت میں سرگرم عمل ہے۔ مریم نواز فلڈ ریلیف کیمپوں میں متاثرین، بالخصوص خواتین اور بچوں کے علاج کے لیے پرعزم ہیں۔

یہ بھی پڑھیں: پاکستان نے فائنل میں بنگلہ دیش کو شکست دے کر بلائینڈ ٹی ٹوینٹی ورلڈ کپ جیت لیا

سروے اور سہولیات

تاریخ کے سب سے بڑے فلڈ میں سیلاب متاثرہ علاقوں میں صحت کی تاریخی سروسز کی فراہمی جاری ہے۔ سیلاب متاثرہ اضلاع میں خواتین اور بچوں کی صحت کی دیکھ بھال کے مربوط پروگرام کا آغاز کر دیا گیا ہے۔ سیلاب متاثرین کو علاج معالجہ کی بہترین سہولتیں دی جا رہی ہیں۔

یہ بھی پڑھیں: تیز ہوا آدمی کو اڑا کر 27 ہزار فٹ بلندی پر لے گئی، پھر اس کا کیا ہوا؟

کلینک اور میڈیکل ریلیف کیمپ

سیلاب متاثرہ علاقوں میں 968 کلینک آن ویل اور میڈیکل ریلیف کیمپ قائم کر دیئے گئے ہیں۔

یہ بھی پڑھیں: آئندہ ہفتے ججز بڑھانے کا حکومتی بل ضرور آئے گا: بیرسٹر عقیل

خاص انتظامات برائے خواتین اور بچوں

وزیراعلیٰ مریم نواز کی ہدایت پر خواتین اور بچوں کے علاج معالجہ کے لئے خصوصی انتظامات کیے گئے ہیں۔ حاملہ خواتین کے چیک اپ کے لئے ڈاکٹر اور عملہ موجود ہیں۔ خواتین کے لئے ملٹی وٹامن، سینٹری کٹس اور دیگر ضروری سامان ہر فلڈ کیمپ میں دستیاب ہے۔

یہ بھی پڑھیں: بشریٰ بی بی کے بیان میں سعودی عرب کا ذکر تک نہیں، ذلفی بخاری کی وضاحت

ایمبولینس سروس اور علاج

حاملہ خواتین کو بروقت مریم نواز ہیلتھ کلینک یا ہسپتالوں میں پہنچانے کے لئے ہمہ وقت رورل ایمبولینس سروس بھی میسر ہے۔ بچوں کے علاج کے لئے روزانہ ہر کیمپ میں سپیشلسٹ ڈاکٹرز وزٹ کر رہے ہیں۔ فلڈ ریلیف کیمپوں میں نومولود بچوں کی روٹین ویکسی نیشن کے خصوصی انتظامات کیے گئے ہیں۔

یہ بھی پڑھیں: پی ٹی آئی کی داخلی سیاست میں دراڑیں، بانی کو پارٹی اور بہن نے مائنس کر دیا: عظمیٰ بخاری

بیماریوں کے علاج کے انتظامات

فلڈ ریلیف کیمپوں میں کیڑوں کے کاٹنے، سکن انفیکشن، پیٹ کی بیماریوں، ہیضہ اور ملیریا کے علاج کے لئے خصوصی انتظامات کیے گئے ہیں۔

ادویات کی فراہمی

وزیر اعلیٰ مریم نواز کی ہدایت پر فلڈریلیف کیمپوں میں او آر ایس، اینٹی بائیوٹکس اور دیگر ضروری ادویات کی کافی مقدار پہنچا دی گئی ہے۔ فلڈ ریلیف کیمپوں میں غذائی قلت کا شکار بچوں کی سکریننگ اور ازالے کے لئے ضروری علاج کی سہولت مہیا کی گئی ہے۔