سیلابی صورتحال، لاہور بورڈ نے میٹرک کے ضمنی امتحانات ملتوی کر دیئے

لاہور(ڈیلی پاکستان آن لائن) پنجاب میں جاری سیلابی صورتحال کے پیش نظر بورڈ آف انٹرمیڈیٹ اینڈ سیکنڈری ایجوکیشن نے میٹرک کے ضمنی سالانہ امتحانات ملتوی کرنے کا اعلان کر دیا ہے۔

یہ بھی پڑھیں: ایف آئی اے کی کارروائی، انسانی سمگلرزسمیت چارایجنٹ گرفتار

مشقوں کی تاریخ میں تبدیلی

یہ فیصلہ پنجاب بورڈ کمیٹی آف چیئرمین (PBCC) کی مشاورت سے کیا گیا ہے تاکہ متاثرہ علاقوں کے طلبہ کو درپیش مشکلات سے بچایا جا سکے۔ میٹرک کے ضمنی امتحانات کا آغاز 10 ستمبر سے ہونا تھا تاہم موجودہ ہنگامی حالات کے باعث یہ ممکن نہ ہوسکا۔

امتحانات میں رکاوٹ

بورڈ حکام کا کہنا ہے کہ سیلاب سے کئی تعلیمی ادارے، امتحانی مراکزاور راستے متاثر ہوئے ہیں جس کی وجہ سے طلبہ و طالبات کی شرکت میں رکاوٹ پیدا ہوسکتی تھی۔ میٹرک کے ضمنی امتحانات اب ممکنہ طور پر 29 ستمبر سے شروع کیے جا سکتے ہیں تاہم نئی حتمی تاریخوں کا باضابطہ اعلان جلد کیا جائے گا۔