پی ٹی وی کی تباہ حالی اور تنخواہوں کی عدم فراہمی پر رکن اسمبلی سحر کامران نے چیئرمین قائمہ کمیٹی اطلاعات کو خط لکھ دیا

پی ٹی وی کی مالی مشکلات

اسلام آباد (ڈیلی پاکستان آن لائن) رکن قومی اسمبلی سحر کامران نے چیئرمین قائمہ کمیٹی اطلاعات کو خط لکھ دیا کہ پی ٹی وی ملازموں کو تنخواہیں دینے سے قاصر ہے۔

یہ بھی پڑھیں: سونے کی فی تولہ قیمت میں 3600 روپے کمی

خط کی تفصیلات

رکن قومی اسمبلی سحر کامران نے اپنے خط میں لکھا ہے کہ پی ٹی وی کو سنگین مالی اور گورننس بحران کا سامنا ہے۔ فوری توجہ دی جائے، پی ٹی وی ملازمین کو تنخواہیں دینے سے قاصر ہے۔ ادارہ مکمل مفلوجی کے خطرے میں ہے۔

یہ بھی پڑھیں: وزیراعلیٰ مریم نواز سے ایشین ڈویلپمنٹ بینک کے صدر ماساتو کانڈا کی قیادت میں وفد کی ملاقات

مسائل کی وجوہات

لائسنس فیس کے خاتمے سے ریونیو ماڈل بیٹھ گیا، پی ٹی وی واجبات ادا کرنے کے قابل نہیں رہا۔ بڑھتے واجبات اور مالی بحران سے ادارہ جاتی مفلوجی کا خطرہ بڑھ گیا۔ متنازع اور سیاسی بنیادوں پر تقرریوں سے پی ٹی وی مزید کمزور ہوا۔ غیر پیشہ ورانہ فیصلوں نے معیار اور ساکھ کو شدید نقصان پہنچایا۔

سوشل میڈیا پر ردعمل

پی ٹی وی کی تباہ حالی اور تنخواہوں کی عدم فراہمی پر رکن قومی اسمبلی سحر کامران نے چیئرمین قائمہ کمیٹی اطلاعات کو خط لکھ دیا۔ سنگین مالی اور گورننس بحران کا سامنا ہے اور پی ٹی وی ملازمین کو تنخواہیں دینے سے قاصر ہے۔ ادارہ مکمل مفلوجی کے خطرے میں ہے #ptvdigitalmedia #PTV pic.twitter.com/vqXezsvxdJ

— Nadeem Raza (@nadeemraza5) September 5, 2025