دبئی سے لاہور چاندی کی بھاری کھیپ سمگل کرنے کی کوشش ناکام، ملزم گرفتار

سمگلنگ کوشش ناکام

لاہور (ڈیلی پاکستان آن لائن) دبئی سے آنے والی ایئربلیو کی پرواز سے چاندی کی بھاری کھیپ سمگل کرنے کی کوشش ناکام بنادی گئی۔

یہ بھی پڑھیں: بنوں میں شہید ہونیوالے 12سیکیورٹی اہلکاروں کے حوالے سے اہم معلومات سامنے آ گئیں

پرواز کی تلاشی

علامہ اقبال انٹرنیشنل ایئرپورٹ پر پہنچنے والی پرواز میں سوار مسافر کی تلاشی کے دوران 7 کلوگرام چاندی برآمد ہوئی۔ جس کے بعد کسٹمز حکام نے اوکاڑہ کے رہائشی محمد شفیق کو گرفتار کرکے مقدمہ درج کرلیا۔

چاندی کی مہارت سے تیار کردہ جیکٹ

کسٹم حکام کے مطابق اوکاڑہ کے رہائشی محمد شفیق نے نہایت مہارت کے ساتھ چاندی کی جیکٹ بنا کر قمیض کے نیچے پہن رکھی تھی۔ محمد شفیق مقامی مارکیٹ میں بیچنے کیلئے 26 لاکھ روپے سے زائد مالیت کی چاندی سمگل کرکے لایاتھا۔ مسافر کے پاس کوئی قانونی دستاویز موجود نہیں تھی۔