گجرات میں اربن فلڈنگ کی بگڑتی صورتحال بہتر بنانے کے لیے پاک فوج نے کنٹرول سنبھال لیا

گجرات میں اربن فلڈنگ کی صورتحال

گجرات (ڈیلی پاکستان آن لائن) شہر میں اربن فلڈنگ کی بگڑتی صورتحال بہتر بنانے کیلئے پاک فوج نے کنٹرول سنبھال لیا۔

عارضی حفاظتی بند کا قیام

24نیوز کے مطابق ضلعی انتظامیہ کی جانب سے سیلابی پانی روکنے میں کامیاب نہ ہونے پر پاک فوج نے لورائے چوک میں عارضی حفاظتی بند باندھ دیا۔ علاقے میں 4 روز سے نظام زندگی درہم برہم ہے جبکہ شہری گھروں میں محصور ہیں۔ لورائے چوک سے عارضی بند باندھنے کے بعد پانی شہری آبادی میں مزید داخل نہ ہونے کی توقع ہے۔

کوششوں کا ناکام ہونا

خیال رہے کہ 5 صوبائی سیکرٹریز سمیت ڈویژن اور جہلم سے واسا کی ٹیمیں 3 روز سے اپنے طور پر کوشش کر رہی تھیں مگر کارگر ثابت نہ ہوئیں۔