راولپنڈی، اسلام آباد، مری، گلیات، اٹک، چکوال، جہلم میں آئندہ 2 سے 6 گھنٹوں کے دوران اربن فلڈنگ کا خطرہ

این ڈی ایم اے کا الرٹ

اسلام آباد (ڈیلی پاکستان آن لائن) این ڈی ایم اے نے وفاقی دارالحکومت اور پنجاب کے شمالی علاقوں میں ممکنہ اربن فلڈنگ کا الرٹ جاری کر دیا ہے جبکہ مون سون بارشوں اور سیلاب کے باعث گزشتہ 24 گھنٹوں میں مزید 2 افراد جاں بحق ہو گئے ہیں۔

یہ بھی پڑھیں: نیویارک کی بارش پر نصراللہ ملک کا تبصرہ، طارق متین کا طنزیہ جواب

اربن فلڈنگ کا خطرہ

این ڈی ایم اے کے مطابق اگلے 2 سے 6 گھنٹوں میں اسلام آباد، راولپنڈی، مری، گلیات، اٹک، چکوال، جہلم میں اربن فلڈنگ کا خطرہ ہے۔ بادلوں کے سسٹم کے باعث ان علاقوں میں موسلادھار بارش ہو سکتی ہے۔ طوفانی بارش سے پہاڑی علاقوں میں لینڈ سلائیڈنگ کا امکان ہے، کمزور انفراسٹرکچر کو نقصان پہنچ سکتا ہے۔

ٹویٹر پر NDMA کا پیغام

اسلام آباد اور پنجاب کے شمالی علاقوں میں ممکنہ اربن فلڈنگ الرٹ/6 ستمبر:
اگلے 2-6 گھنٹوں میں مری، گلیات، اسلام آباد، راولپنڈی، اٹک، چکوال، جہلم میں اربن فلڈنگ کا خطرہ۔ گزشتہ روز گرمی کی وجہ سے ٹاورنگ کو مولس بادلوں کا سسٹم بنا جو کہ آسمانی بجلی کے گرنے، گرچ چمک، موسلادھار بارش کا باعث بن سکتا ہے pic.twitter.com/c5fzVaNeKh

— NDMA PAKISTAN (@ndmapk) September 6, 2025