رواں سال کا دوسرا مکمل چاند گرہن آج رات ہوگا

مکمل چاند گرہن کا واقعہ

اسلام آباد(ڈیلی پاکستان آن لائن) رواں سال کا دوسرا مکمل چاند گرہن آج رات ہوگا، پاکستان میں بھی مشاہدہ کیا جاسکے گا۔

یہ بھی پڑھیں: جب قومیں یہ ٹھان لیتی ہیں کہ انہیں اوپر اٹھانا ہے، اپنے بچوں کو تابناک مستقبل دینا ہے تو یقین کریں منصوبہ بندی میں ناکامی کا سوال ہی پیدا نہیں ہوتا۔

چاند گرہن کا وقت

نجی ٹی وی چینل دنیا نیوز کے مطابق محکمہ موسمیات کے مطابق آج (7 ستمبر) رات 8 بجکر 28 منٹ پر چاند کی روشنی مدہم ہونے لگے گی، جزوی چاند گرہن کا آغاز 9 بجکر 27 منٹ پر ہوگا، مکمل چاند گرہن 10 بجکر 31 منٹ پر شروع ہوگا، رات 11 بجکر 12 منٹ پر چاند گرہن اپنے عروج پر ہوگا۔

محکمہ موسمیات کا کہنا ہے کہ رات 11 بجکر 12 منٹ پر چاند گرہن اپنے عروج پر ہوگا، جبکہ جزوی گرہن 12 بجکر 57 منٹ پر ختم ہوگا، 8 ستمبر کی رات ایک بج کر 55 منٹ پر چاند گرہن مکمل اختتام کو پہنچ جائے گا۔

یہ بھی پڑھیں: پنجاب: پیدائش، اموات، شادی اور طلاق کا آن لائن اندراج شروع

چاند گرہن کا مشاہدہ

چاند گرہن کا مشاہدہ یورپ، ایشیا، آسٹریلیا، افریقہ، شمالی امریکا کے مغربی حصے، جنوبی امریکا کے مشرقی حصے میں کیا جا سکے گا، علاوہ ازیں بحرالکاہل، بحرِ اوقیانوس، بحرِ ہند، آرکٹک اور انٹارکٹیکا میں بھی چاند گرہن دیکھا جا سکے گا۔

یہ بھی پڑھیں: ستاروں کی روشنی میں آپ کا آج (منگل) کا دن کیسا رہے گا ؟

فلکیاتی ماہرین کی رائے

ماہرین فلکیات کے مطابق مکمل چاند گرہن اس وقت وقوع پذیر ہوتا ہے جب زمین سورج اور چاند کے درمیان آجاتی ہے اور زمین کا سایہ مکمل طور پر چاند کو ڈھانپ لیتا ہے، اس دوران چاند سرخ مائل یا تانبے جیسا رنگ اختیارکر لیتا ہے جسے “بلڈ مون” بھی کہا جاتا ہے۔

سورج گرہن کی معلومات

دوسری جانب محکمہ موسمیات نے مزید بتایا کہ 21 اور 22 ستمبر کو رواں سال کا دوسرا اور آخری جزوی سورج گرہن ہوگا، سورج گرہن آسٹریلیا کے جنوبی حصے بحرالکاہل، بحرِاوقیانوس اور انٹارکٹیکامیں دیکھا جا سکے گا تاہم سورج گرہن کا مشاہدہ پاکستان میں نہیں کیا جاسکے گا۔