بھارت نے دریائے ستلج میں مزید پانی چھوڑ دیا۔

بھارت کی جانب سے پانی چھوڑنے کی اطلاع

اسلام آباد(ڈیلی پاکستان آن لائن) بھارت نے دریائے ستلج میں مزید پانی چھوڑے جانے کے حوالے سے پاکستان کو آگاہ کردیا۔ پاکستان میں بھارتی ہائی کمیشن نے دریائے ستلج میں سیلابی پانی چھوڑنے سے متعلق پاکستان کو اطلاع دی۔

یہ بھی پڑھیں: ٹی 20 ورلڈ کپ: نمیبین کپتان کا بھارت کیخلاف میچ سے قبل فلڈ لائٹس میں پریکٹس کا موقع نہ دینے کا شکوہ

سیلاب الرٹ کا اجراء

وزارت آبی وسائل نے سیلاب الرٹ جاری کردیا جس کے مطابق دریائے ستلج میں ہریکے زیریں، فیروزپور زیریں پر اونچے درجے کا سیلاب ہے۔ دریائے ستلج میں پانی کے بہاؤ میں مزید اضافے کا خدشہ ہے۔

یہ بھی پڑھیں: 17 ہزار 600 ارب کا بجٹ آج قومی اسمبلی میں پیش کیا جائے گا

پی ڈی ایم اے پنجاب کی جانب سے ہدایات

دوسری جانب پی ڈی ایم اے پنجاب نے اونچے درجے کے سیلاب سے متعلق الرٹ جاری کیا ہے اور کہا کہ دریائے ستلج پر پانی کے بہاؤ میں مزید اضافہ ہوگا۔ ڈی جی پی ڈی ایم اے نے ہدایت کی کہ شہریوں کی جان ومال کے تحفظ کو یقینی بنایا جائے۔

ڈی جی پی ڈی ایم اے کا بیان

لاہور میں پریس کانفرنس کرتے ہوئے ڈی جی پی ڈی ایم اے نے کہا کہ اب ستلج میں پانی کا بہاؤ بہت زیادہ نہیں ہے، گنڈھا سنگھ اور راوی میں پانی کم ہورہا ہے، ہیڈ محمد والا اور شیر شاہ پر بڑا خطرہ نہیں لیکن وہاں پر پانی کم نہیں ہو رہا ہے۔