عمران خان کے سپہ سالار کے بارے میں ٹوئٹ پر پارٹی میں شدید تحفظات ہیں، علی امین گنڈا پور پیغام ملنے کے باوجود اڈیالہ جیل کا رخ نہیں کر رہے، سلمان غنی

علی امین گنڈا پور کا مستقبل

لاہور(ڈیلی پاکستان آن لائن ) معروف تجزیہ کار سلمان غنی نے کہا ہے کہ اب علی امین گنڈا پور اڈیالہ جیل کا رخ نہیں کر رہے، انہیں پیغام بھی پہنچا یا گیا ہے۔

یہ بھی پڑھیں: پی ٹی آئی نے پشاور جلسے کی تاریخ تبدیل کردی

دو طرفہ کھیل

علی امین گنڈا پور دو طرف کھیل رہے ہیں اور دو طرف کھلانے کا مقصد یہ تھا کہ معاملات ٹھیک کرائے جائیں۔ لیکن علی امین گنڈا پور کہتے ہیں کہ میں تو کوشش کرتا ہوں لیکن عمران خان اور اسٹیبلشمنٹ کا کوئی مسئلہ ہے۔

یہ بھی پڑھیں: بنگلہ دیش نے پاکستان کو پہلے ٹی20 میں باآسانی 7 وکٹوں سے شکست دے دی

عمران خان کے بیانات

انہوں نے کہا کہ اب عمران خان کو سوچنا چاہیے کہ جہاں سے آپ کو لایا گیا آپ ان ہی کے خلاف ہو گئے۔ ابھی انہوں نے پاکستان کے سپہ سالار کے بارے میں ایک ٹوئٹ کی ہے جس پر تحریک انصاف کے اندر شدید تحفظات پائے جاتے ہیں، اس لیے اب احتجاج کی بات نہیں ہو رہی۔

یہ بھی پڑھیں: پی ٹی آئی رہنما عالیہ حمزہ اور صنم جاوید کے ناقابلِ ضمانت وارنٹ گرفتاری جاری

کمزوری کا سامنا

نجی نیوز چینل دنیا نیوز کے پروگرام 'تھنک ٹینک' میں گفتگو کرتے ہوئے ان کا کہنا تھا کہ خیبر پختونخوا میں علی امین گنڈا پور کمزور ہوئے ہیں۔ آج کل سوشل میڈیا پر علی امین گنڈا پور ٹارگٹ ہیں کیونکہ انہوں نے ایک پیغام میں کہا کہ میں نے معاملات بہتر کروانے کی کوشش کی تھی لیکن خان صاحب کے اسٹیبلشمنٹ سے کچھ مسائل ہیں۔

یہ بھی پڑھیں: ڈیوڈ وارنر پی ایس ایل کے بقیہ میچز کھیلیں گے یا نہیں؟ کرکٹر نے تصدیق کردی

تحریک انصاف کی آخری امید

تجزیہ کار سلمان غنی نے کہا کہ اصل معاملہ یہ ہی تھا اور آپ کو وزیر اعلیٰ بھی اسی لیے بنا یا گیا تھا۔ علی امین گنڈا پور تحریک انصاف کی آخری امید ہیں۔ پختونخوا تحریک انصاف کے رہنماؤں کی آخری پناہ گاہ ہے کہ جو پارٹی ورکرز کو چھپنے کی جگہ نہیں ملتی انہیں پختونخوا جانا پڑتا ہے۔

یہ بھی پڑھیں: دھی رانی نے پنجاب اور کاشتکار کا سر بلند کر دیا، آڑھتی کے جبر سے بچ گئے: بزرگ کاشتکار

گروپ بندی کی حقیقت

انہوں نے کہا کہ کسی کی وزارت اعلیٰ کے منصب سے ہٹانا بہت آسان ہوتا ہے لیکن کسی کو اس منصب پر بٹھانا بہت مشکل ہوتا ہے، اس لیے نہ علی امین گنڈا پور استعفیٰ دیں گے اور نہ انہیں نکالا جائے گا۔ پارٹی میں ہر سطح پر گروپ بندی ہے، کیا علیمہ خان اور بشریٰ بی بی میں گروپ بندی نہیں ہے؟ بشریٰ بی بی کے ساتھ بیرسٹر گوہر ہیں اور علیمہ خان کے ساتھ سلمان اکرم راجہ ہیں۔

سیاسی جماعتوں کی کمزوری

یہ سب اس لیے ہوا ہے کہ ہماری سیاسی جماعت ایک لیڈر کے بعد دوسرے نمبر پر کوئی صحیح لیڈر نہیں بناتے۔ تحریک انصاف کی لیڈرشپ جن کو دی گئی ہے، وہ اچھے قانون دان ہوں گے لیکن وہ سیاسی معاملات کو ڈیل کرنے کی اہلیت نہیں رکھتے، چاہے سلمان اکرم راجہ ہوں یا پھر بیرسٹر گوہر۔