اسرائیلی حملے کا نشانہ بننے والے حماس کے سینئر رہنما خالد الحیہ کون ہیں؟

اسرائیلی حملے کا ہدف

دوحہ (ڈیلی پاکستان آن لائن) قطر کے دارالحکومت دوحہ میں اسرائیلی حملے کا اصل ہدف حماس کے سینئر رہنما خالد الحیہ تھے۔ خالد الحیہ نے گزشتہ سال اسماعیل ہنیہ اور یحییٰ سنوار کی ہلاکت کے بعد تنظیم میں زیادہ اہم کردار سنبھالا اور جنگ بندی مذاکرات میں حماس کے اعلیٰ مذاکرات کار کے طور پر نمایاں ہوئے۔ وہ دوحہ میں جلاوطنی کے دوران غزہ کے امور کے سربراہ کی حیثیت سے کام کر رہے ہیں۔

یہ بھی پڑھیں: راولپنڈی کے تمام نجی تعلیمی ادارے کل سے کھل جائیں گے

خالد الحیہ کی زندگی

الجزیرہ ٹی وی کے مطابق خالد الحیہ 1960 میں غزہ میں پیدا ہوئے اور 1987 میں حماس کے قیام کے وقت ہی اس کا حصہ بن گئے۔ اسرائیلی حملوں میں ان کے کئی قریبی رشتہ دار جاں بحق ہو چکے ہیں، جن میں ان کا بیٹا بھی شامل ہے۔ 2007 میں اسرائیلی فضائی حملے نے غزہ کے علاقے الشجاعیہ میں ان کے خاندانی گھر کو نشانہ بنایا، جس میں ان کے کئی اہلِ خانہ جاں بحق ہوئے۔ اسی طرح 2014 کی جنگ کے دوران ان کے بڑے بیٹے اسامہ کے گھر پر بمباری کی گئی، جس میں اسامہ، ان کی اہلیہ اور تین بچے شہید ہو گئے۔ ان حملوں کے وقت خالد الحیہ موجود نہیں تھے۔

یہ بھی پڑھیں: نواز شریف انسٹیٹیوٹ آف کینسر میں کسی بھی سٹیج کے کینسر مریض کو انکار نہیں کیا جائے گا: وزیر اعلیٰ مریم نواز

دوحہ کی زندگی

چند برس قبل وہ غزہ چھوڑ کر دوحہ منتقل ہو گئے، جہاں سے وہ حماس کے سب سے بااثر رہنماؤں میں شمار ہوتے ہیں اور عرب و اسلامی دنیا کے ساتھ تعلقات کے لیے کلیدی کردار ادا کر رہے ہیں۔

اسرائیلی فضائی حملہ

واضح رہے کہ اسرائیل نے دوحہ میں ایک فضائی حملے میں حماس کی قیادت کو نشانہ بنایا ہے۔