ملک بھر میں بجلی کے میٹرز تبدیل کرنے کا فیصلہ

وفاقی حکومت کا نیا منصوبہ

اسلام آباد(ڈیلی پاکستان آن لائن) وفاقی حکومت نے ملک بھر میں تھری فیز میٹرز کو جدید اے ایم آئی سمارٹ میٹرز سے تبدیل کرنے کا فیصلہ کر لیا۔

یہ بھی پڑھیں: امریکی پابندیاں متعصبانہ ، اقدامات تجارتی اداروں کیلئے ٹیکنالوجی تک رسائی میں رکاوٹ پیدا کرتے ہیں:اسحاق ڈار

بجلی چوری کی روک تھام

نجی ٹی وی چینل ’’ہم نیوز‘‘ کے مطابق وزارت توانائی نے بجلی چوری پر قابو پانے اور زائد بلنگ کو روکنے کے لیے یہ اقدام کیا ہے۔ یہ منصوبہ مرحلہ وار شروع کیا جائے گا۔

یہ بھی پڑھیں: امریکہ کو بھارت کو کان سے پکڑ کر بھی بات چیت تک لانا پڑے تو یہ دنیا کے مفاد میں ہوگا، بلاول

پہلا مرحلہ

حکام نے کہا کہ ابتدائی طور پر بجلی کے 3 لاکھ 50 ہزار میٹرز تبدیل کیے جائیں گے۔ اس منصوبے کی تکمیل کی ڈیڈ لائن دسمبر 2026 رکھی گئی ہے، جس کے بعد پورے ملک میں سمارٹ میٹرز کا استعمال لازمی ہو جائے گا۔

یہ بھی پڑھیں: بھارت کی طاقت کا غرور خاک میں مل گیا ہے: وزیر دفاع خواجہ آصف

باضابطہ ہدایات جاری

انہوں نے کہا کہ میٹرز کی تبدیلی کے حوالے سے تمام بجلی تقسیم کار کمپنیوں کو باضابطہ ہدایات جاری کر دی گئی ہیں۔

یہ بھی پڑھیں: سروائییکل کینسر سے بچاؤ کی ویکسین لانچ کی تو سارے افلاطون باہر آگئے، مصطفی کمال

لاہور الیکٹرک سپلائی کمپنی کی شمولیت

ذرائع کے مطابق پہلے مرحلے میں لاہور الیکٹرک سپلائی کمپنی (لیسکو) 3 لاکھ 50 ہزار میٹرز تبدیل کرے گی، اور یہ تنصیب باضابطہ میٹر ریپلیسمنٹ آرڈر کے تحت کی جائے گی۔

یہ بھی پڑھیں: علیمہ خان 11 مرتبہ ناقابلِ ضمانت وارنٹ گرفتاری جاری ہونے کے بعد عدالت کے سامنے پیش ہو گئیں

سمارٹ میٹرز کے فوائد

حکام کا کہنا ہے کہ سمارٹ میٹرز کے استعمال سے بجلی کے استعمال کی درست مانیٹرنگ اور بلنگ ممکن ہو سکے گی، اور اس سے بجلی چوری میں بھی نمایاں کمی آئے گی۔

اخراجات کا تخمینہ

لاہور الیکٹرک سپلائی کمپنی (لیسکو) کو بڑے پیمانے پر تنصیب کے باعث اربوں روپے کے اخراجات برداشت کرنے ہوں گے۔