امریکی نژاد پاکستانی خاتون کا بچوں کی حوالگی کیلئے عدالت سے رجوع

اسلام آباد میں امریکی نژاد پاکستانی خاتون کا اقدام

اسلام آباد(ڈیلی پاکستان آن لائن) امریکی نژاد پاکستانی خاتون غلام غوثیہ اخونزادہ نے اپنے نوعمر بچوں کی حوالگی کیلئے اسلام آباد ہائی کورٹ سے رجوع کر لیا۔

یہ بھی پڑھیں: یو اے ای پاک میڈیا اور یو کے میڈیا کرکٹ ٹیم کے درمیان کرکٹ میچ 29 جنوری 2026 کو عجمان میں ہو گا

عدالت کی سماعت اور احکامات

نجی ٹی وی چینل دنیا نیوز کے مطابق جسٹس محمد آصف نے درخواست پر سماعت کرتے ہوئے تحریری حکمنامہ جاری کیا اور نیشنل سائبر کرائم انویسٹی گیشن ایجنسی (NCCIA) کے ڈائریکٹر جنرل کو ذاتی حیثیت میں طلب کر لیا۔

یہ بھی پڑھیں: کراچی: کھارادر میں عمارت کی چھت گرگئی، تمام افراد بحفاظت ریسکیو

شادی اور بچوں کی صورتحال

درخواست گزار نے مؤقف اختیار کیا کہ جنوری 2014 میں ان کی شادی ٹیکسلا کے رہائشی محمد اویس طارق سے ہوئی، شادی کے بعد شوہر امریکا منتقل ہوا اور تمام اخراجات بھی انہوں نے برداشت کیے۔

یہ بھی پڑھیں: حج درخواستوں کی وصولی،نامزد بینکوں کو ہفتہ اور اتوار کھلے رکھنے کا فیصلہ

بچوں کی غیر قانونی نقل و حمل

درخواست گزار کے مطابق ان کے دو بیٹے ہیں، 8 سالہ ارحم اور 5 سالہ حیدر، شوہر نے عمرہ کی ادائیگی کے بہانے بچوں کے پاسپورٹ لیے اور انہیں اجازت کے بغیر پاکستان لے آیا۔

یہ بھی پڑھیں: بھارت: سیکڑوں پروازیں منسوخ، نوبیاہتا جوڑا اپنے ہی ولیمے میں آن لائن شریک ہونے پر مجبور

عدالتی فیصلے کا ذکر

خاتون نے مزید بتایا کہ امریکا کی مقامی عدالت نے ان کے حق میں فیصلہ بھی دیا ہوا ہے تاہم ان کا شوہر اٹک میں دیئے گئے پتے سے غائب ہے اور پاکستان میں اس کے مختلف پتے ہونے کے باوجود وہ نہیں مل رہا۔ درخواست میں استدعا کی گئی ہے کہ شوہر کو تلاش کرکے بچوں کو ان کے حوالے کیا جائے۔

عدالت کی ہدایت اور آئندہ سماعت

عدالت نے این سی سی آئی اے کو محمد اویس طارق کی تلاش کی ہدایت دیتے ہوئے حکم دیا کہ ڈی جی این سی سی آئی اے آئندہ سماعت پر مکمل رپورٹ کے ساتھ عدالت میں پیش ہوں، کیس کی آئندہ سماعت 11 ستمبر کو مقرر کی گئی ہے۔