عدالتی فیسوں اور سکیورٹیز میں اضافے کے رولز معطل، 1980 کے قواعد بحال
سپریم کورٹ کا فیصلہ
اسلام آباد(ڈیلی پاکستان آن لائن) سپریم کورٹ آف پاکستان نے عدالتی فیسوں اور سکیورٹیز میں اضافے سے متعلق نئے قواعد کو معطل کر دیا ہے، اس فیصلے کا باقاعدہ نوٹیفکیشن بھی جاری کر دیا گیا ہے۔
یہ بھی پڑھیں: ٹک ٹاکر خاتون سے مبینہ اجتماعی زیادتی کے الزام میں مرکزی ملزم مولا بخش جکھرانی گرفتار
نئے قواعد کا معطل ہونا
نجی ٹی وی چینل دنیا نیوز کے مطابق جاری کردہ نوٹیفکیشن کے مطابق سپریم کورٹ رولز 2025 کے تحت نافذ کئے گئے عدالتی فیسوں میں اضافے کے قواعد کو معطل کر دیا گیا ہے اور اب عدالتی فیسیں صرف سپریم کورٹ رولز 1980 کے تحت ہی واجب الادا ہوں گی۔
یہ بھی پڑھیں: فیلڈ مارشل کی امریکہ آمد پاکستان کی فتح کی دعوت تھی: مشعال ملک
پرانی شرحوں کی بحالی
نوٹیفکیشن میں واضح کیا گیا ہے کہ 1980 کے قواعد کے مطابق ہی عدالتی فیسوں اور سکیورٹیز کے پرانے نرخ بحال کر دیئے گئے ہیں۔
یہ بھی پڑھیں: سعودی عرب میں طوفانی بارش سے تباہی، متعدد عمارتوں کی چھتیں گر گئیں، سکول بند
فل کورٹ اجلاس کی تفصیلات
چیف جسٹس پاکستان یحییٰ آفریدی کی زیر صدارت فل کورٹ اجلاس میں عدالتی فیسوں اور سکیورٹیز میں اضافے کے رولز کو معطل کیا گیا تھا۔
قانونی ماہرین کا تجزیہ
قانونی ماہرین کے مطابق اس فیصلے سے وکلاء اور سائلین کو وقتی طور پر ریلیف حاصل ہوگا، جبکہ عدالتی اصلاحات سے متعلق مستقبل میں مزید مشاورت متوقع ہے.
