6اوورز کرکٹ ہنگامہ ٹورنامنٹ 23 ستمبر کو جدہ میں، انٹرنیشنل کھلاڑیوں کی شرکت

6 اوورز کرکٹ ہنگامہ: ایک منفرد ٹورنامنٹ

جدہ (محمد اکرم اسد) ویسٹرن پراونس کرکٹ ایسوسی ایشن (WPCA) کے زیراہتمام چھ اوورز پر مشتمل منفرد کرکٹ ٹورنامنٹ “6 اوورز کرکٹ ہنگامہ” 23 ستمبر 2025 کو سعودی عرب کے قومی دن کے موقع پر جدہ میں منعقد ہوگا۔

یہ بھی پڑھیں: کرکٹ کی تاریخ کا انوکھا واقعہ؛ 427 رنز کے تعاقب میں پوری ٹیم صرف 2 رنز پر ڈھیر

شرکت کرنے والی ٹیمیں

چیف آرگنائزر ندیم الندوی نے میڈیا اور سوشل میڈیا کو بریفنگ دیتے ہوئے بتایا کہ اس ایونٹ میں 12 ٹیمیں شرکت کریں گی، جن میں سے دو ٹیمیں دمام، ایک طائف، ایک ینبع، دو تبوک جبکہ چھ ٹیمیں جدہ سے میدان میں اتریں گی۔

یہ بھی پڑھیں: شاہد آفریدی پھر نانا بن گئے ، بڑی بیٹی اقصیٰ کے ہاں بچی کی پیدائش

بین الاقوامی کرکٹرز کی شمولیت

ٹورنامنٹ کی خاص بات یہ ہے کہ اس میں سات انٹرنیشنل کرکٹرز بھی شامل ہوں گے۔ سابق اسٹار آل راؤنڈر عبدالرزاق اور فاسٹ باؤلر عمر گل مہمان خصوصی ہوں گے، جب کہ صہیب مقصود، سہیل خان، سہیل تنویر، عثمان خان، عماد بٹ پہلی بار براہ راست ٹیموں کا حصہ بن کر کھیلیں گے۔

یہ بھی پڑھیں: بھارت میں مندر میں ریپ کے بعد قتل ہونے والی 100 سے زیادہ لڑکیوں کو دفن کرنے والا شخص گرفتار

منفرد قوانین اور انعامات

ندیم الندوی کے مطابق یہ جدہ کے لیے ایک بڑا اعزاز ہے کہ اتنی بڑی تعداد میں انٹرنیشنل کھلاڑی ایک ساتھ کسی مقامی ایونٹ میں حصہ لے رہے ہیں۔ ایونٹ کو “کرکٹ ہنگامہ” اس لیے نام دیا گیا ہے کیونکہ اس میں کھیل کے قوانین کو منفرد انداز میں ترتیب دیا گیا ہے، جیسے کہ چھکا مارنے پر 10 رنز، چوکے پر 6 رنز، جبکہ وائٹ اور نو بال پر 2 رنز دیے جائیں گے، تاکہ میچز مزید دلچسپ اور ہائی اسکورنگ ہوں۔

یہ بھی پڑھیں: جو ملک ایران کو فوجی ہتھیار فراہم کرے گا اس پر فوری طور پر 50 فیصد ٹیرف عائد کیا جائے گا، ڈونلڈ ٹرمپ

شفافیت اور ایمپائرنگ

میڈیا بریفنگ کے دوران ڈبلیو پی سی اے کے جنرل سیکریٹری سہیل احمد، ایگزیکٹو ممبر کاشف مرزا اور انٹرنیشنل امپائر و ٹورنامنٹ کمیٹی کے ہیڈ آف ٹیکنیکل ایڈوائزر اسامہ سعد بھی موجود تھے۔ چیف آرگنائزر نے یہ بھی یقین دہانی کرائی کہ ٹورنامنٹ کے دوران شفافیت کو یقینی بنانے کے لیے خصوصی اقدامات کیے گئے ہیں۔ تمام میچوں میں پروفیشنل ایمپائرز خدمات انجام دیں گے تاکہ کھیل کے معیار اور ایمانداری پر کوئی سوال نہ اٹھ سکے۔

تماشائیوں کے لیے انعامات

تماشائیوں کے لیے بھی خصوصی قرعہ اندازی رکھی گئی ہے جس کے ذریعے شائقین کرکٹ کو قیمتی انعامات جیتنے کا موقع ملے گا۔ ایونٹ کی فاتح ٹیم کو 30 ہزار سعودی ریال کا انعام دیا جائے گا۔